Matayi 23:34 - ULufingwi uLupwa

³⁴ Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

Tesitamenti Umupwa 1965

³⁴ Mwe mumwo, yenyi, nkuvatumilaga navakuvwi navanjele navamanyakalata. Vamo mulivagoga mulivahomela pashihovenkanyo. Vamo mulivasyempa mumasinagogi ginyu, muli-vayumṿanya munkaya munkaya.

Matayi 23:34 ပူးပေါင်းရင်းမြစ်များ

Matayi 10:23

Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Matayi 13:52

Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

Matayi 23:31

Kuyanga vhwevhulo, mukuhomeshezya kuuti niimwe mwe vhavhiivhi inza avhataata vhiinyu ivho vhe vhávhagozile avhakuvhwi!

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

Yohani 20:21

UYeesu ahavhavhuuzya havhili ahati, “Uvhutehamu vhuvhe pooka niimwe! Inza vwe uTaata ánsonteleziizye ine, vhwevhulo niine nkuvhasonteelezya imwe.”

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 11:27

Insiku izyo, vhahinza pa Antiyookiya avhakuvhwi vhamo kufuma ku Yelusaleemu.

iMbombo izya Vhatumwa 12:2

Ahamugoga ni ipanga uYaakobu, umunine uwa Yoohani.

iMbombo izya Vhatumwa 13:1

Mu shivhanza isha mu Antiyookiya mwámile avhakuvhwi na vhasambiilizi. Ivho vháali vhe vha Balinaaba nu Simiyooni (we vhahatinji uNiigeli) nu Luukiyo uwa ku Kileene nu Manayeeni (we ásunjiliilwe pooka nu mwene uHeelodi) nu Saavhuli.

iMbombo izya Vhatumwa 14:19

Pisinda, aVhayuuda vhamo vhahinza kufuma ku Antiyookiya na ku Ikooniya. Vhahasonzya ivhungaana ilya vhantu, vhahamuhoma uPaavhuli na mavhwe. Vhahamudendemula, vhahamutwala panzi pa nkaaya, mwe pe vhahasiivhaga kuuti aafwa.

iMbombo izya Vhatumwa 15:32

Avha Yuuda nu Siila vhoope vháamile vhakuvhwi, vhahayanga na vhamwavho ku havhaliilizyo ahatali, vhahavhasuvhaalizya nu kuvhagomwa.

iMbombo izya Vhatumwa 5:40

Pe vhahiitiha amazwi aga Gamaliyeeli, vhahavhiita avhatumwa vhaala, vhahalajizya kuuti vhahomwe. Vhahavhahaana kuuti vhatasambilizyaje havhili ku maha aga izina ilya Yeesu, vhahavhitishila kuuti vhasogolaje ku mwavho.

1 VaKolinti 2:6

Ileelo zye tukuyanga zye zya vhushindamu uvhwa njeele ku vhantu vhe vhagomile mu lwitiho. Uvhushindamu uvhwa njeele uvhwo te vhwa pa nsi ipa, havhili te vhwa vhapiti avha pa nsi ipa, vhe kukonzya kwavho kukusila.

1 VaKolinti 3:10

Kulandatana nu vhwila uvhwa Mulungu vhwe ampiiye, ine inza umupiti uwa vhazenzi we ali nu vhushindamu uvhwa njeele, názenzile ulwalo lwe ishi avhazenzi avhanji vhakuzenga pamwanya yaakwe. Ileelo avhantu vhonti vhavhanje minso, lwe vhakuzenga pa lwalo ulwo.

Kolosi 1:28

UChilisiti uyo we tukuvhalumbiilila, tukuvhasoha nu kuvhasambiilizya avhantu vhonti ku vhushindamu uvhwa njeele vhwonti. Tukuvhomba isho, inga tuvhaleete vhonti pilongolela ilya Mulungu she vhagomile kwi idala ilya kusopenkana nu Chilisiti.

1 VaTesaloniki 2:16

mwe pe vhakutuhaana kuvhalumbiilila avhantu vhe te Vhayuuda Izwi iLyinza. Vhakwanza kuuti avhantu vhatahaapokwe. Shiniisho vwe vhakujendeelela kulunjisya uvhutalamalandu vhwonti vhwe vhakuvhomba amanda gonti. Ileelo ishi uvhuhalazu vhwa Mulungu vhwavhafishila!

VaHebuli 11:37

Havhili vhamo vhahavhahomaga na mavhwe kufishila kufwa, vhamo vhahavhavholanyaaga na masumeeno na vhamwavho vhahavhagogaga na mapanga. Vhamo vháali vhapiina, vhahazwalaga amakwembe aga ngʼonzi na ga mbuzi, vhahavhayimvwaga nu kuvhavhombela imbiivhi inyinji.

Ishitushizya 11:10

Avhantu vhonti vhe vhakutendama pa nsi, vhaliseshela nu kudovhela nu kufumwizanya ivipeelwa ku mfwa izya vhahoome ivho vhavhili. Vhalivhomba isho, mwe pe avhakuvhwi ivho vhávhayimvwizye vhe vhakutendama pa nsi ipa.