Matayi 23:16 - ULufingwi uLupwa

¹⁶ “Mwasheela imwe mwe vhalongozi avhantonko! Mukuti, ‘Inga umuntu akulapa ku Nyumba iMfinjile te nongwa, nkandi we akulapa ku sahaabu iya mu Nyumba iMfinjile we akwanzilwa kuvhomba inza vwe alafile.’

Tesitamenti Umupwa 1965

¹⁶ Ye mayi we, namwe valongozi mwe vantonkʼimwe, mwe mukuti: Uno wengʼakulapʼakuti; Inza she nakwa tempeli, pʼalafile shaha, nkandʼuno wengʼakulapa akuti: Inza she nakwa sahabu wa tempeli, wʼalafile ayikunjiliye pupo.

Matayi 23:16 ပူးပေါင်းရင်းမြစ်များ

Matayi 15:14

Muvhaleshe, mwe pe ivho vhalongozi avhantonko! Inga untonko akumulongola untonko uwamwavho, vhonti vhavhili vhakugwila mwi ilivha!”

Matayi 23:13

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Matayi 23:17

Mwe vhantonko, havhili mwe vhapukupuuku! Shooni she shili ni nsavho kuluusya ishamwavho? Isahaabu ye yili mu Nyumba iMfinjile, pamo Nyumba iMfinjile ye yikuyizelufwa isahaabu iyo?

Matayi 23:19

Mwe vhantonko imwe! Shooni she sha nsavho kuluusya ishamwavho? Mpuutile iyo, pamo shifinjilo she shikuyizelufwa impuutile iyo?

Matayi 23:24

Mwe vhalongozi avhantonko imwe! Mukwambula utusanzi mu vintu vwe mukumwela ileelo mukumila ingamila!

Matayi 23:26

Mwe Vhafalisaayi mwe vhantonko imwe! Mupindushe suuti uvhutalamalandu vhwe vhuli muhati zyinyu inza kwozya uvhupoopo vhwe vhuli mu lupindi na mu luvhiga. Pe imbombo zyinyu ziliivha nyinza inza vwe ulupindi nu luvhiga vikuzelupa, inga woozya muhati.

VaGalati 5:3

Nkuvhahomeshezya havhili avhantu vhonti vhe vhakwitiha kutahiililwa, kuuti vhakwanzilwa kuzilema indajizyo zyonti izya Moose.

Yakobu 5:12

Ipiti kuli izyo zyonti mwe vhamwitu, mutalapaje kwi izina ilya ku mwanya, poosye kwi izina ilya nsi, poosye ku shintu ishinji shonti. Inga mukwitiha ishintu, mutinji, “Eena” vhweleele, poosye inga mukuhaana, mutinji, “Ndaali” vhweleele. Ishisita kuvhomba vhwevhulo, mukwinza mukulongwa.