Matayi 23:13 - ULufingwi uLupwa

¹³ “Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Tesitamenti Umupwa 1965

¹³ Ye mayi we, namwe vamanyakalata namwe vaFalisayi, mwe valumilenga, mukwigalila kushinamwene sha kumwanya lwe vakuti twinjilʼavantu. Shʼimwe mutakwinjila nave vakwinjila mukuvadinda.

Matayi 23:13 ပူးပေါင်းရင်းမြစ်များ

Matayi 23:16

“Mwasheela imwe mwe vhalongozi avhantonko! Mukuti, ‘Inga umuntu akulapa ku Nyumba iMfinjile te nongwa, nkandi we akulapa ku sahaabu iya mu Nyumba iMfinjile we akwanzilwa kuvhomba inza vwe alafile.’

Matayi 23:23

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Mukumufumwizya uMulungu ishigavho shooka pa vigavho 10 poosye ni sha vintu ivinsi inza uvhulende ni ntanga ni binzaali. Ileelo muzilesile imwamu nkaani izya ndajizyo, inza kuvha nu vhugolosu pilongolela ilya Mulungu nu vhwila nu vhutungamu. Izi zye mukwanzilwa kuzivhomba pooka ni nyinsi izyo zye mukuzivhomba.

Matayi 23:25

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Mukuyivhiiha mwe vhagolosu pilongolela ilya vhantu, ileelo muhati zyinyu mwizuuye uvhupumula vintu nu vhulugusu. Isho she shooka nu kwozya ulupindi nu luvhiga munzi vhweleele, nu kuleha muhati mwe mwizuuye uvhupoopo.

Matayi 23:27

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Muli fwe mbiipa zye vhasinguliiye intope inzelu, zye kunzi zikuloleha nyinza, ileelo muhati zyizuuye amafupa aga vhafwe nu vhuhandamanu uvhwa mavhiila mu mavhiila.

Matayi 23:29

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Mukuzenga imbiipa izya vhakuvhwi nu kuziyemvwa imbiipa izya vhantu vhe vhahavhombaga ingolosu pilongolela ilya Mulungu.

Matayi 3:7

Ileelo uYoohani lwe avhalola aVhafalisaayi na Vhasadukaayi vhakwinza ku vhwinji, inga avhoozye, ahavhavhuuzya ahati, “Mwe vhaana vha njoha imwe! Wu naanu we avhasosile kuuti mushimbile uvhuhalazu uvhwa Mulungu vhwe vhukwinza?

uLuuka 11:52

“Mwasheela imwe mwe vhasambiilizi avha ndajizyo, mwe pe mudinzite idala ilya vhantu kumumanya uMulungu. Niimwe mweneemwe mutamumanyile, havhili muvhadindiiye vhe vhakwanza kumumanya.”

Yohani 9:22

Avhapaafi vhaakwe vháyanzile vhwevhulo, mwe pe vhávhogofile avhalongozi avha Vhayuuda, mwe pe avheene vhítinkiine kuuti, umuntu wonti we akwitiha kuuti uYeesu wu Chilisiti, vhakumushimbizya mwi isinagoogi.

Yohani 9:24

Pe avhalongozi avha Vhayuuda vhahamwita havhili ulwa vhuvhili umuntu we áamile wu ntonko, vhahamuvhuuzya vhahati, “Lapa kwa Mulungu, kuuti ukuyanga uvhwanalyoli! Iswe tumanyile kuuti umuntu uyo we aakuponiizye, mutalamalandu.”

Yohani 9:34

Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

iMbombo izya Vhatumwa 13:8

Ileelo uBali-Yeesu umulozi (izina lyakwe mu Shiyunaani wu Eelima), ahadalinkana na vha Balinaaba nu Saavhuli, ahalinga kumusonganya umupiti uyo, inga atahiitishe insambiilizyo zyavho kuzya Yeesu.

iMbombo izya Vhatumwa 5:28

“Twaavhahaanile ku maha kuuti, mutasambilizyaje avhantu izya Yeesu! Ileelo mukujendeelela kukumusya insambiilizyo zyinyu mu nkaaya yonti iya mu Yelusaleemu, mukwanza yiloleshe kuuti niiswe tuli nu mulandu uwa kumugoga!”

iMbombo izya Vhatumwa 5:40

Pe vhahiitiha amazwi aga Gamaliyeeli, vhahavhiita avhatumwa vhaala, vhahalajizya kuuti vhahomwe. Vhahavhahaana kuuti vhatasambilizyaje havhili ku maha aga izina ilya Yeesu, vhahavhitishila kuuti vhasogolaje ku mwavho.

iMbombo izya Vhatumwa 8:1

Isiku liila lye vhámugozile uSiteefani, amayimba amapiti gahataliha mu shivhanza isha ku Yelusaleemu. Avhantu vhonti avha mu shivhanza vhahasataana mu nsi iya Yudeeya ni ya mu Samaliya. Ileelo avhatumwa vheeka vhe vhahasyala.

2 Timoti 3:8

Avhantu ivho vhe vhakuvhahopenkanya avhantanda, vhakudindanjizya uvhwanalyoli, inza vwe uYaane nu Yambule vhámudindanjiziizye uMoose. Injeele zyavho zinanjisile, havhili vhalulesile ulwitiho.

2 Timoti 4:15

Uvhe minso nawo, mwe pe ádindanjiziizye nkaani amazwi giitu.