Matayi 22:5 - ULufingwi uLupwa

⁵ Ileelo avheene vhatahasaajila. Vhahasogola ku mbombo zyavho, wumo ahasogola ku mugunda waakwe, uwamwavho ahasogola ku mbombo yaakwe iya kutaanania.

Tesitamenti Umupwa 1965

⁵ Avene nyene vatahasajila ṿweneṿwo ndali, vahasavalila, vahavala woka kumugunda wakwe, uwamwavo muvulonsi vwakwe.

Matayi 22:5 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 22:4

“Pe ahavhasonteelezya havhili avhavhomvi avhamwavho ahati, ‘Musogole muvhavhuuzye vhaala vhe naavhalanjiiye muti, “Nsengiinye ivintu vwonti ivwa winga. Mbooye inkambaku ni ngida zyane inyinza. Mwinze ku winga!”’

Matayi 22:6

Vhamo vhahavhalema avhavhomvi ivho, vhahavhahoma nkaani nu kuvhagoga.

Yohani 2:16

Pe uYeesu ahavhavhuuzya vhe vhahakazyaga inkunda ahati, “Zyefwi inkunda izi ipa. Mutahayivhiishe iNyumba iya Taata waane kuvha nsokooni.”

iMbombo izya Vhatumwa 2:13

Ileelo vhamo munuumwo vhahataliha kuvhajevhula vhe vhámwitisile uYeesu, vhahayanga vhahati, “Ivha vhahoziilwe lipele.”

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!