Matayi 22:45 - ULufingwi uLupwa

⁴⁵ Inga uDaavhudi wuuyo átili uChilisiti wu Mwene waakwe, pe woope uChilisiti angavha mwana waakwe inza vhuli?”

Tesitamenti Umupwa 1965

⁴⁵ Apene lelo ingʼuDavidi akumutaha ilya Mwene, patʼavanje mwana wakwe vuli?

Matayi 22:45 ပူးပေါင်းရင်းမြစ်များ

Matayi 22:44

‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”’

Matayi 22:46

Umuntu nuumo atahasheela kumwamula. Havhili, kufuma ahavhaliilizyo iho, atáliipo umuntu we ásheleeye kumuvhuziilizya uYeesu zimo.

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

VaLoma 9:5

AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”