Matayi 22:30 - ULufingwi uLupwa

³⁰ Avhafwe lwe vhazyuha, te vhahiimale, poosye kwimalwa, vhaliivha inza avhahavhizya ku mwanya.

Tesitamenti Umupwa 1965

³⁰ Shʼukuzyuha lwe vazyusilʼavantu pe vatalisendaga, pe vatalisendwaga ndali, she valiva fwe ve vahavizya va Mulungu kumwanya.

Matayi 22:30 ပူးပေါင်းရင်းမြစ်များ

Matayi 13:43

Ileelo ahavhaliilizyo iho avhagolosu vhalilamaga mu vhumwene uvhwa Taata waavho ngati lizuvha. We ali na makutwi, atejeelezye!”

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 22:31

Ileelo izya kuzyuha avhafwe, mutavhaziizye mu Vhusimbe uVhufinjile izwi lye uMulungu áyanzile kuuti,

Matayi 24:38

Insiku izyo lwe intalala yishiili kwinza, avhantu vhahalyanga nu kumwela, vhahimalaga nu kwimalwa, kufishila isiku liila lye uNoowa áyinjiiye mu mbogooso.

uLuuka 17:27

Insiku izya Noowa, avhantu vhahalyanga nu kumwela, vhahimalaga nu kwimalwa, kufishila isiku liila lye uNoowa áyinjiiye mu mbogooso. Pe imvula impiti yihatoonya, yihavhalovwa avhantu vhonti.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”