Matayi 22:16 - ULufingwi uLupwa

¹⁶ Pe vhahavhasonteelezya avhasundikwa vhaavho na vhatuuli avha mwene uHeelodi kwa Yeesu, vhahamuvhuziilizya vhahati, “We Musambiilizi, tumanyile kuuti iwe we mugolosu, ukusambiilizya idala ilya Mulungu mu vhwanalyoli. Havhili utakuvhasaajila avhantu kulandatana nu vhupiti vhwavho.

Tesitamenti Umupwa 1965

¹⁶ Vahatuma kukwakwe navasundikwa vavo navantu va Helodi ve vahati: We Musambilizi, twazile we wa nalyoli, nidala lya Mulungu avantu ukuvalanganizya lye lya nalyoli, ninsoni nazimo kuvantʼiwe, she numʼumuntu utakumwenya muvwinza kuminsʼiwe.

Matayi 22:16 ပူးပေါင်းရင်းမြစ်များ

Matayi 22:24

“We Musambiilizi, uMoose átusimbiiye indajizyo kuuti inga umwanaavuli aafwa, amuleha umushi waakwe ishisita umwana, yikwanzilwa kuuti umunine waakwe amupwane umuziishe uyo, inga amupaapile avhaana umuyazi.

Matayi 22:26

Ileelo woope ahafwa ishisita kuleha umwana. Pisinda, uwa vhutatu woope ahamupwana, ileelo woope ahafwa. Yihavha shiniisho ku vhonti 7.

Matayi 26:18

UYeesu ahavhaamula ahati, “Musogole mu nkaaya iya Yelusaleemu kwa muntu wumo, mumuvhuuzye muti, ‘UMusambiilizi atusonteelezya, akuti, “Ahavhaliilizyo haane hapalamiiye. Ine na vhasundikwa vhaane kwe tulye ishaakulya isha Pasaaka mu nyumba yaaho.”’”

Matayi 26:49

Naluvhiilo uYuuda ahasogola kwa Yeesu ahati, “We Musambiilizi, mwakaata!” Ahamwofwa.

Maliko 10:17

UYeesu ahanda kwepa paala, umuntu wumo ahamushimbiilila, ahamusugamilila, ahamuvhuziilizya ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

Maliko 12:13

Avhalongozi avha Vhayuuda vhahavhasonteelezya aVhafalisaayi na vhatuuli avha mwene uHeelodi kuuti vhamulinje uYeesu ku mazwi.

Maliko 12:14

Lwe vhaafiha, vhahati, “We Musambiilizi, tumanyile kuuti iwe we mugolosu, utakuvhasaajila avhantu kulandatana nu vhupiti vhwavho. Havhili ukusambiilizya idala ilya Mulungu mu vhwanalyoli. Vhuli, indajizyo izya Moose zikutwitishila kusonka umusonko kwa Kayisaali?”

Maliko 3:6

AVhafalisaayi lwe vhaalola vwe uYeesu amuvhombela umuntu ula, vhahasogola kupanzanya na vhatuuli avha Heelodi vwe kwe vhamugoje uYeesu.

Maliko 8:15

Lwe vhaakulamba usumbi, pe uYeesu ahavhasoha ahati, “Muvhanje minso nu mulembo uwa kuluzizya uwa Vhafalisaayi nu wa Heelodi.”

uLuuka 20:21

Pe avhantu ivho vhahamuvhuziilizya uYeesu vhahati, “We Musambiilizi, tumanyile kuuti ukuyanga nu kusambiilizya izya nalyoli. Havhili utakusaajila uvhupiti uvhwa muntu, ukusambiilizya idala ilya Mulungu mu vhwanalyoli.

uLuuka 7:40

UYeesu ahamuvhuuzya ahati, “We Siimoni, indi ni izwi limo ilya kukuvhuuzya.” Woope ahamwamula ahati, “Mbuuzya we Musambiilizi.” Pe uYeesu ahayanga ku shiholanyo ahati,

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 7:18

Umuntu wonti we akuyanga ku maha gaakwe, akulondola uvhushindamu vhwakwe wuuyo. Ileelo we akulondola kuumupa uvhushindamu ula we amusonteleziizye, akuyanga uvhwanalyoli, atakuyanga izya ilenga.”

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

2 VaKolinti 5:16

Ishi, kufuma ahavhaliilizyo iha, tutakumumanya umuntu ku njeele izya vhantu. Poosye she ahavhaliilizyo hamo twámumanyile uChilisiti ku njeele izya vhantu, ileelo ishi tutamumanyile inza isho.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

VaGalati 2:6

Ileelo avhalongozi vhaala avha shivhanza, vhe vhakushindikwa na vhantu, vhatáamile ni zinji injeni izya kumbuuzya. Nalyoli vhahashindikwaga nkaani, ileelo kuli ine izyo te shintu naashimo, mwe pe uMulungu atakwenya uvhumwamu uvhwa muntu lwe akumulonga.

1 VaTesaloniki 2:4

Ileelo tukulumbiilila, mwe pe uMulungu átuvhwenyi kuuti tuhondeeye, ahaatupa imbombo iya kulumbiilila Izwi iLyinza. Tutakusuuvhila kuvhahondezya avhantu, tukwanza kumuhondezya uMulungu, we akwenyeelezya zyonti zye zili muhati mu mooyo giitu.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.