Matayi 21:31 - ULufingwi uLupwa

³¹ Vhuli, muli ivho vhavhili, wu naanu we ávhomvile inza vwe uyise ahanzaga?” Vhahamwamula vhahati, “We wula umutanzi.” Pe uYeesu ahavhavhuuzya ahati, “Nalyoli nkuvhavhuuzya kuuti, avhasonchezya musonko na vhamalaaya vhalivhalongolela kwinjila mu vhumwene uvhwa Mulungu.

Tesitamenti Umupwa 1965

³¹ Ve vavili vanava lelo, unanʼazilandite zyʼakasimʼuyise? Vahati: We wa vuvili. PʼuYesu ahavavuzya ahati: Navasonkolamusonko navantandʼavamalaya vakuvashilʼimwe ukwinjila mushinamwene sha Mulungu.

Matayi 21:31 ပူးပေါင်းရင်းမြစ်များ

Matayi 12:50

Umuntu wonti we akuvhomba zye uTaata waane uwa ku mwanya akwanza, uyo we munine waane, havhili we wu maayi waane.”

Matayi 18:3

Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Matayi 20:16

Vwe ziliivha, avhantu vhe vhatakushindikwa ahavhaliilizyo iha, vhaliivha vhantu vhe vhakushindikwa, vhoope vhe vhakushindikwa ahavhaliilizyo iha, vhaliivha vhantu vhe vhatakushindikwa.”

Matayi 21:30

Pe uyise ahasogola kwa mwana uwa vhuvhili nu kumuvhuuzya inza vhwevhulo. Uweene ahamwamula ahati, ‘Kwe nsogole taata.’ Ileelo atahasogola.

Matayi 5:18

Nalyoli nkuvhavhuuzya kuuti, lwe hashiili kufiha ahavhaliilizyo he imwanya ni nsi viliyeepa, yitaliipo poosye iheelufi inyinsi, poosye ahandona inga hooka aha ndajizyo izya Moose he haliyeepa lwe zyonti zye zili muumwo zishiili kulunjiha.

Matayi 5:46

Inga mukuvhakunda vhe vhe vhakuvhakunda imwe, pe muliposheela malipilo vhuli? Avhasonchezya musonko vhoope vhakuvhakunda vhaala vhe vhakuvhakunda avheene!

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

Matayi 7:21

“Te vhonti vhe vhakuyanga kuuti, ‘We Mwene,’ vhaliyinjila mu vhumwene uvhwa Mulungu, nkandi umuntu we akuvhomba zye uTaata waane uwa ku mwanya akwanza, we aliyinjila.

Matayi 9:9

Lwe uYeesu ayeepa paala, ahamulola umusonchezya musonko wumo, we izina lyakwe vhahatinji uMataayi, atendiime apa kusonchezezya umusonko. UYeesu ahamuvhuuzya ahati, “Undandate! Uvhe we musundikwa waane.” Woope uMataayi ahimiilila nu kumulandata.

uLuuka 15:10

“Nkuvhavhuuzya kuuti, vhwevhulo vwe uMulungu akuseshela pilongolela ilya vhahavhizya vhaakwe, lwe umutalamalandu wooka akutonta uvhutalamalandu vhwakwe.”

uLuuka 19:22

“Umwene ahamuvhuuzya ahati, ‘Iwe we muvhomvi umuvhiivhi! Ishi, nkuukupa isunde ku mazwi gaaho ge wayanga. Waamanyile kuuti ine ne muntu umugomu nkaani, nkunyatula vwe ntavhiisile, havhili nkuvuna vwe ntavhwaye.

uLuuka 7:29

Avhantu vhonti, pooka na vhasonchezya musonko, lwe vhiivwa amazwi igo aga Yeesu, vhahiitiha kuuti uMulungu wa nalyoli. Ivho vhonti vhózeliilwe nu Yoohani.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

VaLoma 3:19

Ishi, tukulola kuuti amazwi ge gakufuma mu Vhusimbe uVhufinjile, inga gayanga shimo, gakuvhavhuuzya vhe vhápeliilwe genego. Ageene gávhisiilwe kuuti lwe uMulungu ayilonga insi, avhantu vhonti vhatahaavhe ni lya kuyiyanjila, havhili yiloleshe apazelu kuuti avhantu vhonti vhavhiivhi pilongolela ilya Mulungu.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.