Matayi 21:21 - ULufingwi uLupwa

²¹ UYeesu ahavhaamula ahati, “Nalyoli nkuvhavhuuzya kuuti, inga muli nu lwitiho ishisita amaganigani, niimwe mulizivhomba inza zye zyavhombeha kwi ikwi ili. Te ziniizyo vhweleele, poosye inga mungalivhuuzya igamba ili kuuti, ‘Kumpuuha ipa, uyisumbe mwa sumbi muula,’ zyope zilivhombeha.

Tesitamenti Umupwa 1965

²¹ UwenʼuYesu ahamula ahavavuzya ahati: Nalyoli nkuvavuzyʼine nkuti: Inga muli nulwitiho, inga mutakusaganya, pe mutalipela hekʼaha kwituvu hanaha ndali, pe lyope nalye ligamba linili inga mukuyanga nalyo mukuti: Vuhaga uyitagaje mwa sumbi mula, pe zilivombwaga.

Matayi 21:21 ပူးပေါင်းရင်းမြစ်များ

Matayi 14:29

UYeesu ahamwamula ahati, “Nzaaga.” Pe uPeeteli ahiiha mwi ivhooti liila, ahajenda pamwanya pa minzi kusogola kwa Yeesu.

Matayi 17:20

Uweene ahavhaamula ahati, “Mwaaposiitwe, mwe pe ulwitiho lwinyu lunsi. Nalyoli nkuvhavhuuzya kuuti, inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya igamba ili kuuti, ‘Kumpuuha ipa, usogole paala,’ lyope lingakumpuha. Naashimo she shilivhapoota imwe.

Matayi 21:20

Lwe avhasundikwa vhazilola izyo, vhahasukumila nkaani, vhahavhuzilizanya vhahati, “Itiini ili lyuma naluvhiilo inza vhuli?”

Matayi 8:12

Ileelo aVhayuuda vhe vhahanzilwaga vhavhe mu vhumwene uvhwo, vhalisumbwa kunzi ku shiisi. Ukwo vhalikuutaga nu kuyimba nkaani.”

1 VaKolinti 13:2

Havhili poosye inga indi ni shikunjilwa isha vhukuvhwi nu kumanyinsanya zyonti zye zili kukwilu nu vhumanyi vhwonti, poosye inga indi nu lwitiho ulupiti ulwa kusaamwa amagamba, ileelo inga ntali ni shikunzi, ntakuvha ni ilonka naalimo.

Yakobu 1:6

Ileelo akwanzilwa alaavhe ku lwitiho ishisita amaganigani kuuti kwe aposheele. Nkuyanga vhwevhulo, mwe pe umuntu we ali na maganigani, akuvha fwe livhilingwa ilya sumbi, lye likunyatulwa ni nkungu nu kusumbilwa uku nuukwo.