Matayi 20:30 - ULufingwi uLupwa

³⁰ Ahavhaliilizyo iho, avhantonko vhamo vhavhili vhátendiime pa luvhazu pi idala lye uYeesu ahatuuhaga. Lwe vhiivwa kuuti uYeesu akutuuha, vhahavhilishila kwi izwi ipiti vhahati, “We Mwene, Mwana wa Daavhudi, utufwile uvhwila!”

Tesitamenti Umupwa 1965

³⁰ Pe vahaga avantonko vavili vatendime kwidala kuluvazu. Ilelʼavene lwe viṿuye ukuti wʼuYesu wʼakupitilila, pe vahavilishila vahati: Utupepelezyaje we Mwene, we Mwana-Davidi.

Matayi 20:30 ပူးပေါင်းရင်းမြစ်များ

Matayi 13:4

Lwe akupesa, imbeyu zimo zihagwila pa luvhazu pi idala, inyunyi zihinza, zihalya.

Matayi 15:22

Yeenya, umwantanda wumo uMukananaayo we ahatendamaga ukwo, ahinza kwa Yeesu, ahavhilishila ahati, “We Mwene, Mwana wa Daavhudi, umfwile uvhwila! Umwana waane umulindu alemwilwe nkaani ni mpepo inkandamanu.”

Matayi 20:31

Ivhungaana ilyo lihavhapilila, inga vhapuume, ileelo avheene vhahonjezya kuvhilishila nkaani vhahati, “We Mwene, Mwana wa Daavhudi, utufwile uvhwila!”

Matayi 21:14

Lwe uYeesu ali pa Nyumba iMfinjile ipo, vhahinza avhantonko na vhantendya ku kwakwe, woope ahavhaponia.

Matayi 21:9

Avhantu ivhungaana ipiti vhe vhálongoleeye na vhe vhahalandataga mwisinda mwa Yeesu vhahavhilishilaga vhahatinji, “Ashindikwaje uMulungu kuzya Mwana wa Daavhudi! Alosiitwe we akwinza kwi izina ilya MWENE uMulungu! Ashindikwaje uMulungu uMupiti uwa ku Mwanya!”

Matayi 22:42

“Mukusiivha vhuli izya Chilisiti? Amwe Mwana wa naanu?” Vhahamwamula vhahati, “Mwana wa mwene uDaavhudi.”

Maliko 10:46

UYeesu na vhantu vhamo vhahafiha mu nkaaya iya Yeeliko. Lwe uweene na vhasundikwa vhaakwe ni ivhungaana ilya vhantu vhakwepa mu nkaaya iyo, vhahamwaga umuntu wumo pi idala we áali wu ntonko. Izina lyakwe áali wu Balitimaayo, uyise áali wu Timaayo. UBalitimaayo ahatendamaga pa luvhazu pi idala kuvhalaavha avhantu.

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

uLuuka 7:21

Ahavhaliilizyo hanaaho, uYeesu ahavhaponiaga avhantu avhinji amavhinu gaavho, ahavhaponiaga avha ntamwo na vha mpepo imbiivhi. Havhili ahavhaponiaga avhantonko avhinji.

iMbombo izya Vhatumwa 2:30

Ileelo uDaavhudi ámanyile kuuti uMulungu álafile ku lufingwi kuuti alimupwaniha umuntu uwa luho lwakwe mu vhumwene vhwakwe. Havhili, mwe pe áali mukuvhwi,