Matayi 20:23 - ULufingwi uLupwa

²³ UYeesu ahavhavhuuzya ahati, “Nalyoli kwe muyimbe inza vwe nkusogola kuyimba. Ileelo kutendama ku luvhazu lwane ulwa kundiilo, poosye ulwa kumongo te mbombo yaane kuvhitishila. Uvhuzilo uvhwo vhwa vhaala vhe uTaata waane avhasenganiziinye nziila.”

Tesitamenti Umupwa 1965

²³ Uwenʼahavavuzya ahati: Ishikombe she shashi she mulingʼwelaga, ukwene nyenʼukutendama nakumulilo nakumumongo kukwane kwʼite mbombo yanʼine ukumupʼumuntu ndali, nkandi valipelwa vuvo vengʼavayananizizye nzilʼuTata.

Matayi 20:23 ပူးပေါင်းရင်းမြစ်များ

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Matayi 20:24

Lwe avhasundikwa avhamwavho vhaala 10 vhiivwa izyo, vhahavhaviitilwa avhanamuntu vhavhili ivho.

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Maliko 10:40

Ileelo kutendama ku luvhazu lwane ulwa kundiilo, poosye lwa kumongo, te mbombo yaane kuvhitishila. Uvhuzilo uvhwo, vhwa vhaala vhe vhavhasenganiziinye nziila.”

iMbombo izya Vhatumwa 12:2

Ahamugoga ni ipanga uYaakobu, umunine uwa Yoohani.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

2 VaKolinti 1:7

Ulusuuvhilo lwitu kuli imwe lupiti, mwe pe tumanyile kuuti vwe mukuyimba inza iswe, vwe mukusuvhalizilwa inza iswe.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

VaHebuli 11:16

Ileelo avhantu ivho vhahayinyonywaga insi inyinza nkaani iya ku mwanya. Ye nongwa uMulungu atakulola insoni inga avhantu ivho vhakumwita kuuti wu Mulungu waavho, mwe pe avhasenganiziinye inkaaya.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.