Matayi 20:20 - ULufingwi uLupwa

²⁰ Ahavhaliilizyo iho unyina uwa vhaana vha Zebedaayi ahasogola na vhavuli vhaakwe kwa Yeesu, ahasugamila nu kumulaavha kuuti amwavwe shimo.

Tesitamenti Umupwa 1965

²⁰ Pʼahapalamila kukwakwe unyina wa vana-Zebedayi poka navana vakwe, ahakupama kukwakwe ahamulava shimo.

Matayi 20:20 ပူးပေါင်းရင်းမြစ်များ

Matayi 10:2

Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Matayi 14:33

Pe avhasundikwa vhe vháali mwi ivhooti, vhahamusugamilila uYeesu vhahati, “Nalyoli iwe we Mwana wa Mulungu!”

Matayi 15:25

Umwantanda uyo ahinza, ahamusugamilila uYeesu, ahamulaavha ahati, “We Mwene, ntuula!”

Matayi 2:11

Pe vhahinjila mu nyumba, vhahamulola umwana ali nu nyina uMaliiya, vhahamusugamilila nu kumupuuta. Vhahasatula vwe vhápinyile, vhahamufumwizya ivipeelwa ivwa sahaabu ni vwa kusuushizya na mafuta ge gakununshila.

Matayi 27:56

Muli ivho, áliipo uMaliiya uwa mu nkaaya iya Magidaala nu Maliiya unyina uwa vha Yaakobu nu Yoosefu nu nyina uwa vhaana vha Zebedaayi.

Matayi 28:17

Lwe vhamulola, vhahamusugamilila, ileelo vhamo vhahavha na maganigani kuuti pamo te wuuyo.

Matayi 4:21

Lwe uYeesu asogola pilongolela, ahavhalola avhanine avhamwavho vhavhili, uYaakobu nu munine waakwe uYoohani, avhaana vha Zebedaayi. Vháali mwi ivhooti pooka nu taata waavho uZebedaayi, vhahalinganyaaga inyeelo zyavho. UYeesu ahavhiita vhoope,

Matayi 8:2

Pe umuntu wumo uwa mambombo ahinza nu kusugamila pilongolela ilya Yeesu, ahamuvhuuzya ahati, “We Mwene, imanyile kuuti uli na maha aga kunzelufwa. Inga ukwanza, nkulaavha unzelufwe.”

Maliko 15:40

Kwáli avhantanda vhe vhahenyaaga ukutali, áliipo uMaliiya uwa ku Magidaala nu Saloome nu Maliiya unyina wa Yoose umuzuuna uwa Yaakobu.