Matayi 20:14 - ULufingwi uLupwa

¹⁴ Nyatuula impiiya yaaho ino, sogolaaga! Ine nkasiime kumulipa umuntu uwa ku vhusililishilo amalipilo ge galingiine na gaaho.

Tesitamenti Umupwa 1965

¹⁴ Sendaga ahantu haho uvale. Nkasime nene neka ukumupʼuwamwisindʼuno, inza she nkupiye nawe.

Matayi 20:14 ပူးပေါင်းရင်းမြစ်များ

Matayi 20:13

Ileelo uweene umuhaata mugunda ahamwamula wumo mu vhavhomba mbombo ivho ahati, ‘We mumanyani, ntakushevwizye naashimo. Vhuli, tutiivwine kuuti kwe uvhombe imbombo ku malipilo aga dinaali yooka?

Matayi 20:15

Vhuli, ntakwitishilwa kuvhombela ivintu vwane inza vwe nkwanza? Uli nu mwone, mwe pe ne mupi nkaani ku vhanji?’

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:2

Ishi lwe mukuvhaavwa avhapiina, mutakumusyaje ku vhantu inza vwe avhashifumbo vhakuvhomba mu masinagoogi na mu madala, inga avhantu vhavhatiime. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:6

Ileelo iwe lwe ukumulaavha uMulungu, uyinjilaje kwi iziiho lyaho nu kwigalila umulyango. Pe ulaavhaje kwa Taata waaho we atakuloleha. Pe uTaata waaho uwa ku mwanya we akulola zye zikuvhombeha kukwilu, aliikupa ishipeelwa.

uLuuka 15:31

“Utaata waakwe ahamuvhuuzya ahati, ‘Mwana waane, iwe uli niine insiku zyonti, ivintu vwonti vwe indi navwo vwaho.

uLuuka 16:25

“Ileelo uAabulahamu ahamwamula ahati, ‘Mwana waane, ukumbushe kuuti ahavhaliilizyo he wáamile we mupuuma, wáamile ni vintu ivwinza vwe uhavisuvhilaga, ileelo uLaazalo áamile mu mayimba. Ishi, uweene akusuvhalizilwa ipa, iwe ukuyimba.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

VaLoma 3:19

Ishi, tukulola kuuti amazwi ge gakufuma mu Vhusimbe uVhufinjile, inga gayanga shimo, gakuvhavhuuzya vhe vhápeliilwe genego. Ageene gávhisiilwe kuuti lwe uMulungu ayilonga insi, avhantu vhonti vhatahaavhe ni lya kuyiyanjila, havhili yiloleshe apazelu kuuti avhantu vhonti vhavhiivhi pilongolela ilya Mulungu.

VaLoma 3:4

Ndaali, te muumwo inga hansi! UMulungu akuvhalolesya avhantu kuuti uweene akuyanga izya nalyoli nu kuzivhomba, poosye inga avhantu vhonti vhakuluma ilenga. Yeenya, uVhusimbe uVhufinjile vhukuti, “Inga wavhavhuuzya avhantu vhaaho uvhutalamalandu vhwavho, amazwi gaaho ga nalyoli. Inga wavhalonga, uvhulonzi vhwaho vhugolosu.”