Matayi 2:3 - ULufingwi uLupwa

³ Lwe umwene uHeelodi ayiivwa inongwa izyo, zihamutamwa mu mwoyo waakwe pooka na vhantu vhonti avha mu Yelusaleemu.

Tesitamenti Umupwa 1965

³ UmwenʼuHelodi lwʼayiṿuye zinizi, pʼahaganduha nkani ahatentwa muhati, vope nava mu-Yelusalemu inkaya yonti vahaganduha poka nawo.

Matayi 2:3 ပူးပေါင်းရင်းမြစ်များ

Matayi 2:2

Vhahavhuziilizya vhahati, “Ali kwoshi we apafwilwe, uMwene uwa Vhayuuda? Tukuvhuziilizya isho, mwe pe tuluvhwenyi uluzota kufuma kuvhutukulo lwe lukulolesya kuuti apafwilwe. Ye nongwa twinzile kumusugamilila.”

Matayi 2:4

Pe ahavhavhungaaniha avhapiti vhonti avha vhapuuti na vhasambiilizi avha ndajizyo izya Moose, ahavhavhuziilizya ahati, “Amwe uChilisiti akwanzilwa kupaapwa kwoshi?”

Matayi 23:37

Pe uYeesu ahati, “Mwe vhantu vha mu Yelusaleemu imwe! Mukuvhagoga avhakuvhwi, nu kuvhahoma na mavhwe avhavhomvi vhe uMulungu avhasonteleziizye kuli imwe. Lulinga nanzaga kuvhavhungaaniha inza inkuku vwe yikwuvhatila utwana twakwe, ileelo mutanzaga?

Matayi 24:6

Ahavhaliilizyo iho muliyivwaga inkoolo izya vhulugu ni nongwa izya vhulugu, mutahinze musaaje. Poosye zivhe vhuli, izyo zikwanzilwa kufumila, ileelo ahavhaliilizyo aheene aha kumpeleela haliivha hashiili.

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

Maliko 13:7

Imwe lwe mwivwa inkoolo izya vhulugu ni nongwa izya vhulugu, mutahinze musaaje. Poosye zivhe vhuli, izyo zikwanzilwa kufumila suuti, ileelo ahavhaliilizyo aheene aha kumpeleela haliivha hashiili.

iMbombo izya Vhatumwa 4:2

Avhapiti ivho vhávisiitwe, mwe pe uPeeteli nu Yoohani vhahasambilizyaga nu kuvhalumbiilila avhantu kuuti uYeesu azyusile. Inongwa izi zihalolesyaga uvhwanalyoli kuuti vhe vhafuuye vhalizyuha.