Matayi 2:2 - ULufingwi uLupwa

² Vhahavhuziilizya vhahati, “Ali kwoshi we apafwilwe, uMwene uwa Vhayuuda? Tukuvhuziilizya isho, mwe pe tuluvhwenyi uluzota kufuma kuvhutukulo lwe lukulolesya kuuti apafwilwe. Ye nongwa twinzile kumusugamilila.”

Tesitamenti Umupwa 1965

² Ve vahavuzilizya vahati: Ali kwi umwene wa vaYuda wʼapafilwe shinishi? She tuwenyʼuluzota lwakwe kuvutukulo vwʼizuva, ilelo pe twinzilʼukumusugamilila.

Matayi 2:2 ပူးပေါင်းရင်းမြစ်များ

Matayi 2:3

Lwe umwene uHeelodi ayiivwa inongwa izyo, zihamutamwa mu mwoyo waakwe pooka na vhantu vhonti avha mu Yelusaleemu.

Matayi 21:5

“Muvhavhuuzye avhantu avha mu nkaaya iya Sayuuni kuuti, ‘Yeenya, uMwene wiinyu akwinza kuli imwe. Uweene mutonsu, alimbiiye pa ndogomi, indogomi inyaana.’”

Matayi 27:11

Pe uYeesu ahimiilila pilongolela ilya mupiti uMuluumi. Umupiti uyo ahamuvhuziilizya ahati, “Vhuli, iwe we Mwene uwa Vhayuuda?” UYeesu ahamwamula ahati, “Iwe we wayanga.”

uLuuka 19:38

vhahatinji, “Alosiitwe uMwene we akwinza kwi izina ilya MWENE uMulungu! Ishi kuvhe uvhutehamu nu vhushindamu ku mwanya.”

uLuuka 2:11

Ileelo mu nkaaya iya Betelehemu mwe uDaavhudi ápafwilwe, apafwilwe uMuposhi ku zyinyu. Uyo we wu Chilisiti, uMwene.

uLuuka 23:3

UPilaato ahamuvhuziilizya uYeesu ahati, “Vhuli, iwe we Mwene uwa Vhayuuda?” UYeesu ahamwamula ahati, “Iwe we wayanga.”

uLuuka 23:38

Pamwanya pa Yeesu páamile uvhusimbe vhwe vhukuti, “UNO WU MWENE UWA VHAYUUDA.”

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 12:13

Pe vhahanyatula insamba izya matende, vhaheepa kusogola kumuposheela uYeesu. Vhahanda kuvhilishila kwi izwi, vhahati, “Ashindikwaje uMulungu! Alosiitwe we akwinza kwi izina ilya MWENE uMulungu! Alosiitwe uMwene uwa Vhaisilayeeli.”

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 19:19

UPilaato ahalajizya kuuti uvhusimbe vhusimbwe nu kuvhuvhiiha pamwanya pa shihovhenkanyo isha Yeesu, vhwe vhukuti, “UYEESU UMUNAAZALEETI, UMWENE UWA VHAYUUDA.”

Yohani 20:28

UToomasi ahamwamula uYeesu ahati, “Iwe we Mwene waane, havhili iwe we Mulungu waane!”

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 9:38

Umuntu uyo ahayanga ahati, “Nkwitisile Mwene.” Pe ahasugamila pilongolela ilya Yeesu nu kumupuuta.

VaHebuli 1:6

Havhili uMulungu lwe akumuleeta uMwana waakwe imozi mu nsi, áyanzile átili, “Avhahavhizya vhonti avha Mulungu vhamupuute uMwana uyo.”

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”