Matayi 2:16 - ULufingwi uLupwa

¹⁶ Lwe uHeelodi aamanya kuuti, avhamanyinsanyi avha nzota vhaala vhamuleganya, ahaviitwa nkaani. Pe ahavhalajizya avhasikaali kuuti, vhavhagoje avhaana avhanaavuli vhonti avha ku Betelehemu pooka na vha mu ntala izinji zye zili mu luvhazu, kwandila avhacheeche kufishila avha maaha gavhili. Ávhomvile vhwevhulo kulandatana na vwe áhomesheziizye kufuma ku vhamanyinsanyi avha nzota, ahavhaliilizyo he uluzota lwátalisile kuloleha.

Tesitamenti Umupwa 1965

¹⁶ IlelʼuHelodi lwʼayazile vamuhofilʼavasimisi, pʼahaṿitwa nkani. Ahatuma avakuvagoga vontʼavacheche navamuhaya mu-Betelehemu navamunsi yonti mwʼizyunguluye, vahafuma navo pamaha gavili vahinzʼukupelela patuzelu, pamaha gugo ge vamusimishizizyʼuHelodi avasimisi.

Matayi 2:16 ပူးပေါင်းရင်းမြစ်များ

Matayi 2:1

UYeesu ápafwilwe mu nkaaya iya Betelehemu, mu shigavho isha nsi isha Yudeeya, ahavhaliilizyo he umwene uHeelodi ahakonzyaga. Lwe apaapwa, mu nkaaya iya Yelusaleemu kuhafumila avhamanyinsanyi vhamo avha nzota vhe vháfumile kuvhutukulo.

Matayi 2:17

Isho vwe lyálunjisile izwi lye umukuvhwi uYelemiya áyanzile kuuti,

Matayi 2:7

Pe uHeelodi lwe aamanya izyo, ahavhiita avhamanyinsanyi avha nzota vhaala kukwilu inga vhamuvhuuzye uvhwanalyoli ahavhaliilizyo he vháluvhwenyi uluzota luula.

Ishitushizya 12:4

Ulusinda lwakwe luhakwesa ishigavho shooka pa vigavho vitatu ivwa nzota izya kumwanya, nu kuzigwisya pa nsi. Iyoha ilyo lihimiilila pilongolela ilya mwantanda ula we akwanza kupaapa, kuuti inga lwe apaapa, liimulye umwana waakwe.

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.