Matayi 2:13 - ULufingwi uLupwa

¹³ Lwe avhamanyinsanyi avha nzota vheepa, uhavhizya uwa MWENE uMulungu ahamuloleshela uYoosefu mu njozi, ahamuvhuuzya ahati, “Vhuuha, umunyatule umwana nu nyina, mushimbiilile mu nsi iya Miisili, mwe pe uHeelodi kwe amulondole umwana uyo, inga amugoje. Mutendame ukwo, kufishila ahavhaliilizyo he ndiyinza imbavhuuzye kuuti mugalushe.”

Tesitamenti Umupwa 1965

¹³ Lwe vasogoye lelʼavene, pʼuYosefu ahaganduhʼuhavizya wa Mwene akumwitushizya munjozi akumuvuzya akuti: Vuhaga usendʼumwana nunyina, ushimbilile navo mw-Egipiti, mwʼuhavanje mumwo, uhafishe pisiku lilyo lye ndikuvuzya nene. ShʼuHelodi akwinzʼukwanzʼumwana, ukuti amugoje.

Matayi 2:13 ပူးပေါင်းရင်းမြစ်များ

Matayi 1:20

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Matayi 10:23

Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Matayi 2:12

Lwe zyavha vhwevhulo, uMulungu ahavhasoha mu njozi, kuuti vhatahinze vhagalushe havhili kwa Heelodi. Pe vhahavhwela mu nkaaya yaavho kutuushila idala ilinji.

Matayi 2:14

Pe uYoosefu ahadaamula, ahamunyatula umushi nu mwana uvhusiku, naluvhiilo ahashimbiilila ku Miisili.

Matayi 2:16

Lwe uHeelodi aamanya kuuti, avhamanyinsanyi avha nzota vhaala vhamuleganya, ahaviitwa nkaani. Pe ahavhalajizya avhasikaali kuuti, vhavhagoje avhaana avhanaavuli vhonti avha ku Betelehemu pooka na vha mu ntala izinji zye zili mu luvhazu, kwandila avhacheeche kufishila avha maaha gavhili. Ávhomvile vhwevhulo kulandatana na vwe áhomesheziizye kufuma ku vhamanyinsanyi avha nzota, ahavhaliilizyo he uluzota lwátalisile kuloleha.

Matayi 2:22

Ileelo lwe uYoosefu ayiivwa kuuti, uAlikelaawo akukonzya ku Yudeeya, kwe uyise uHeelodi ahakonzyaga, ahoogopa kusogola. Lwe uMulungu amusoha mu njozi, aheepa nu kusogola mu shigavho isha nsi isha Galilaaya.

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 10:7

Lwe uhavhizya aamala kumuvhuuzya uKolineeliyo, aheepa. Pe uKolineeliyo ahavhiita vhavhili mu vhavhomvi vhaakwe, pooka nu musikaali wooka mu vhatuuli vhaakwe. Woope umusikaali uyo ahamupuutaga uMulungu.

iMbombo izya Vhatumwa 12:11

Pe uPeeteli ahamanya zye zifumiiye, ahati, “Ishi nalyoli naamanya kuuti uMWENE uMulungu andeteeye uhavhizya waakwe, kuuti amposhe mu nyoovhe izya Heelodi na mu mbiivhi zyonti zye aVhayuuda vhasuvhiiye kuzilola.”

iMbombo izya Vhatumwa 12:7

Naluvhiilo ahafumila uhavhizya uwa MWENE uMulungu ahinjila pe uPeeteli áamile, uvhuzelu vhuhalama muhati muula. Uhavhizya uyo ahamuyinzaanya uPeeteli ku luvhazu kumudaamusya, ahamuvhuuzya ahati, “Vhuuha naluvhiilo!” Amanyoloolo ge vhámukunjiiye uPeeteli mu nyoovhe gahalagala pansi!

iMbombo izya Vhatumwa 16:36

Umuguulizi uyo ahamuvhuuzya uPaavhuli ahati, “Avhapiti avha nkaaya vhafumwizye indajizyo kuuti mbasatule, ishi fumi kunzi, uMulungu avhateteesye.”

iMbombo izya Vhatumwa 5:19

Ileelo uvhusiku vhuula uhavhizya uwa MWENE uMulungu ahinza, ahiigula amalyango aga mu jeela, ahavhafumwa panzi, ahavhavhuuzya ahati,

iMbombo izya Vhatumwa 7:19

Umwene uyo ahavhayimvwa avhataata vhiitu, ahavhalajizya avhantu avha luho lwitu kuuti vhavhasumbaje avhaana vhaavho avhacheeche, inga vhafwanje.

Ishitushizya 12:14

Ileelo umwantanda ula ahapeelwa ivwapa vivhili ivwa ipuula ipiti, inga abulushe, asogole kwi ilaala pe uMulungu ámusenganiziinye. Ipo uMulungu akumusunga ku maaha gatatu ni shigavho shooka pa vigavho vivhili ivwa mwaha, ukutali ni iyoha ilyo.

Ishitushizya 12:4

Ulusinda lwakwe luhakwesa ishigavho shooka pa vigavho vitatu ivwa nzota izya kumwanya, nu kuzigwisya pa nsi. Iyoha ilyo lihimiilila pilongolela ilya mwantanda ula we akwanza kupaapa, kuuti inga lwe apaapa, liimulye umwana waakwe.

Ishitushizya 12:6

Umwantanda ula ahashimbiilila kwi ilaala kwe uMulungu ámusenganiziinye, kuuti amusunje kunuukwo ku havhaliilizyo aha nsiku 1,260.