Matayi 2:12 - ULufingwi uLupwa

¹² Lwe zyavha vhwevhulo, uMulungu ahavhasoha mu njozi, kuuti vhatahinze vhagalushe havhili kwa Heelodi. Pe vhahavhwela mu nkaaya yaavho kutuushila idala ilinji.

Tesitamenti Umupwa 1965

¹² Uwe-nʼuMulungu ahavavuzya munjozi ahati: Mutavuyilaje kwa Helodi. Pe vahajendʼidala ilyamwavo ukusogola kuhaya.

Matayi 2:12 ပူးပေါင်းရင်းမြစ်များ

Matayi 1:20

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Matayi 2:13

Lwe avhamanyinsanyi avha nzota vheepa, uhavhizya uwa MWENE uMulungu ahamuloleshela uYoosefu mu njozi, ahamuvhuuzya ahati, “Vhuuha, umunyatule umwana nu nyina, mushimbiilile mu nsi iya Miisili, mwe pe uHeelodi kwe amulondole umwana uyo, inga amugoje. Mutendame ukwo, kufishila ahavhaliilizyo he ndiyinza imbavhuuzye kuuti mugalushe.”

Matayi 2:19

Lwe uHeelodi aafwa, uhavhizya uwa MWENE uMulungu ahamuloleshela uYoosefu mu njozi havhili ku Miisili.

Matayi 2:22

Ileelo lwe uYoosefu ayiivwa kuuti, uAlikelaawo akukonzya ku Yudeeya, kwe uyise uHeelodi ahakonzyaga, ahoogopa kusogola. Lwe uMulungu amusoha mu njozi, aheepa nu kusogola mu shigavho isha nsi isha Galilaaya.

Matayi 27:19

Lwe uPilaato atendiime pa shitengo isha vhulonzi, umushi ahatumiilizya intumi ahati, “Utahamuvhombele ivhiivhi naalimo umuntu uyo we mugolosu, mwe pe uvhusiku uvhwa ileelo njimvile nkaani mu njozi ku zyakwe.”

uLuuka 2:26

UMupepo uMufinjile ámuvhuziizye kuuti, “Te uhaafwe she ushiili kumulola uChilisiti uwa MWENE uMulungu.”

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 4:19

Ileelo avha Peeteli nu Yoohani vhahaamula vhahati, “Mwamule mweneemwe inga mwe muumwo pilongolela ilya Mulungu kuvhashindiha imwe kuluusya kumushindiha uweene.

iMbombo izya Vhatumwa 5:29

UPeeteli na vhatumwa avhamwavho vhahamwamula vhahati, “Tukwanzilwa kumushindiha uMulungu, kuluusya kuvhashindiha avhantu!

1 VaKolinti 3:19

Yeenya, uvhushindamu uvhwa njeele uvhwa mu nsi umu, vhwalangani pilongolela ilya Mulungu. Izyo zili inza vwe yisimviilwe mu Vhusimbe uVhufinjile kuuti, “UMulungu akuvhalema vhe vhali nu vhushindamu uvhwa njeele mu vhushevu vhwavho.”

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

VaHebuli 8:5

Avhapuuti ivho vhakumuvhombela uMulungu aPafinjile pe shiholanyo vhweleele isha Pafinjile apa ku mwanya. Ye nongwa uMoose lwe akuyisengaanya kuzenga Iheema ilya kumupuutila uMulungu, uMulungu ámusosile átili, “Yeenya, ukwanzilwa kuzenga vwonti kulandatana na zyonti zye nkulolesiizye mwi igamba uSinaayi.”