Matayi 19:9 - ULufingwi uLupwa

⁹ Ileelo ine nkuvhavhuuzya kuuti, umuntu wonti we akumutavhula umushi waakwe she atamulemile mu vhulugusu, nu kwimala umwantanda uwunji, akuvhomba uvhulugusu. Woope we akumwimala umwantanda we umulume amutavhuuye, akuvhomba uvhuvhembu.”

Tesitamenti Umupwa 1965

⁹ Leshʼimbavuzyʼine: Uno wengʼakutavulʼumushi wakwe nashengʼatatazilʼumulandu wa vwa malaya, havilʼajende nukusendʼuwamwavo, wuyo wʼakuvembuha.

Matayi 19:9 ပူးပေါင်းရင်းမြစ်များ

Matayi 19:10

Pe avhasundikwa vhaakwe vhahamuvhuuzya vhahati, “Inga vwe zili vhwevhulo kwa mwanaavuli nu mushi, pe kwashi kuvha ishita kwimala!”

Matayi 19:8

UYeesu ahavhaamula ahati, “UMoose ávhwenyi uvhugomu uvhwa mooyo giinyu, ye nongwa ávhitishiiye kuvhatavhula avhashi vhiinyu, ileelo kufuma ku vhwandilo uvhwa vhupezi yitáali isho.

Matayi 5:32

Ileelo ine nkuvhavhuuzya kuuti, umuntu wonti we akumutavhula umushi she atamulemile mu vhulugusu, inga umushi ayiimalwa, umuntu uyo akumuvhiiha kuvha muvhembu. Havhili we amwimala umwantanda we umulume amutavhuuye, woope akuvhomba uvhuvhembu.”

uLuuka 16:18

“Umuntu wonti we akumutavhula umushi waakwe nu kunyatula umwantanda uwunji, akuvhomba uvhuvhembu. Woope we akumwimala umwantanda we umulume waakwe amutavhuuye, akuvhomba uvhuvhembu.”

1 VaKolinti 5:1

Nalyoli nivuuye inongwa kufuma kuli imwe kuuti kuli uvhulugusu pahati yiinyu vhwe vhutalolesile naalumo poosye ku vhantu vhe vhatamwitisile uMulungu. Nivuuye kuuti umuntu wumo akujenda nu mushi uwa yise.

1 VaKolinti 7:39

Umwantanda we ayimaliilwe, akuvha akunziilwe nu lulajizyo ulwa vhusendelo ahavhaliilizyo honti he umulume waakwe mupuuma. Ileelo inga umulume waakwe aafwa, pe akuvha musatushe kwimalwa nu mwanaavuli uwunji we akumwanza, ileelo umwanaavuli uyo avhe mwitisi uwa Mwene uYeesu.

1 VaKolinti 7:4

Umushi atali na maha nu muvhili waakwe, nkandi umulume waakwe. Woope umulume atali na maha nu muvhili waakwe, nkandi umushi waakwe.