Matayi 19:23 - ULufingwi uLupwa

²³ Pe uYeesu ahavhavhuuzya avhasundikwa vhaakwe ahati, “Nalyoli shiliivha shigomu nkaani avhadumbwe kwinjila mu vhumwene uvhwa Mulungu.

Tesitamenti Umupwa 1965

²³ UwenʼuYesu nyene ahayanga navasundikwa vakwe ahati: Nalyoli nkuvavuzyʼine nkuti: Avadumbwe valiyaga kugomilʼukwinjila mushinamwene sha kumwanya.

Matayi 19:23 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 18:3

Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Matayi 19:22

Lwe umujaaha uyo ayiivwa izyo, aheepa uku aswimiliilwe nkaani, mwe pe áamile ni vwuma ivwinji.

Matayi 21:31

Vhuli, muli ivho vhavhili, wu naanu we ávhomvile inza vwe uyise ahanzaga?” Vhahamwamula vhahati, “We wula umutanzi.” Pe uYeesu ahavhavhuuzya ahati, “Nalyoli nkuvhavhuuzya kuuti, avhasonchezya musonko na vhamalaaya vhalivhalongolela kwinjila mu vhumwene uvhwa Mulungu.

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

Maliko 10:23

UYeesu aheenya imbazu zyonti, ahavhavhuuzya avhasundikwa vhaakwe, ahati, “Shiliivha shigomu nkaani avhadumbwe kwinjila mu vhumwene uvhwa Mulungu!”

uLuuka 18:24

UYeesu lwe amulola kuuti aswimiililwa, ahati, “Shigomu nkaani avhadumbwe kwinjila mu vhumwene uvhwa Mulungu!

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

1 VaKolinti 1:26

Ishi vhamwitu, mukumbushe vwe mwáli lwe uMulungu ahavhiitaga. Avhinji muli imwe vhahalolehaga ngati vhatali nu vhushindamu uvhwa njeele pilongolela ilya vhantu. Havhili avhinji muli imwe, vhatáali vhamwamu, vhatápafwilwe mu nyumba izya vhashindamu.

Yakobu 2:6

Ileelo imwe mukumusuufwa ula we mupiina. Vhuli, avhadumbwe ivho te vhe vhakuvhayimvwa imwe nu kuvhatwala kwi ilonjelwi?