Matayi 19:21 - ULufingwi uLupwa

²¹ UYeesu ahamwamula ahati, “Inga ukwanza kuvha we mulunjisu, sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

Tesitamenti Umupwa 1965

²¹ UwenʼuYesu ahamuvuzya ahati: Ingʼukasime ukuva we mwila, pe valaga ukazyʼiṿwuma ṿwaho ṿwonti, uvapanjʼavapina, she pʼuliva nishuma kumwanya, inga pʼuyinze undandatʼine.

Matayi 19:21 ပူးပေါင်းရင်းမြစ်များ

Matayi 16:24

Pe uYeesu ahavhavhuuzya avhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Matayi 19:20

Umujaaha uyo ahati, “Indajizyo zyonti izyo nkazilema. Imbombe ishooni ishamwavho she nsovheliilwe?”

Matayi 19:22

Lwe umujaaha uyo ayiivwa izyo, aheepa uku aswimiliilwe nkaani, mwe pe áamile ni vwuma ivwinji.

Matayi 19:28

UYeesu ahavhaamula ahati, “Nalyoli nkuvhavhuuzya kuuti, lwe ne Mwana wa Aadamu natendama pa shitengo ishishindamu isha vhumwene mu nsi impwa, niimwe mwe mundandasite, mulitendama pa vitengo ivwa vhumwene 12 kuzikonzya inkolo 12 izya Vhaisilayeeli.

Matayi 4:19

UYeesu ahavhavhuuzya ahati, “Mundandate! Niine kwe mbavhiishe kuvha mwe vhavuvhi vha vhantu.”

Matayi 5:48

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

Matayi 8:22

UYeesu ahamwamula ahati, “Iwe ndandataga! Vhaleshe avhafwe vhavhasyile avhafwe vhaavho.”

Matayi 9:9

Lwe uYeesu ayeepa paala, ahamulola umusonchezya musonko wumo, we izina lyakwe vhahatinji uMataayi, atendiime apa kusonchezezya umusonko. UYeesu ahamuvhuuzya ahati, “Undandate! Uvhe we musundikwa waane.” Woope uMataayi ahimiilila nu kumulandata.

Maliko 10:21

UYeesu ahamwenya, ahamukunda, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

Maliko 2:14

Lwe akujenda ahamulola umuntu wumo, we izina lyakwe vhahatinji uLaawi, umwana wa Alufaayo, atendiime apa kusonchezezya umusonko. UYeesu ahamuvhuuzya ahati, “Undandate! Uvhe we musundikwa waane.” Woope uLaawi ahimiilila nu kumulandata.

Maliko 8:34

Pe uYeesu ahiita ivhungaana ilya vhantu pooka na vhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

uLuuka 12:33

Mukazye ivintu vwinyu, muuvhape avhapiina impiiya. Kuvhomba isho kwe kusengula vwenevwo mu nkoma iya ku mwanya ye yitakupunguha, ukwene inkoma zitakulala. Havhili ataliipo umwivha we akupalamila kwivha poosye uluswa, lwe lukunanganya.

uLuuka 14:33

“Vwe zili na kuli imwe. Ataliipo nuumo kuli imwe we akwanzilwa kuvha mulandati waane, inga atavilesile vwonti vwe ali navwo.”

uLuuka 16:9

Ishi ine nkuvhavhuuzya kuuti, muvhavwaje avhamwinyu ni vwuma vwinyu ivwa mu nsi umu, inga lwe vwasila, muhaposheelwe mu vhuyo uvhwa shiima shiima.

uLuuka 18:22

UYeesu lwe ayiivwa izyo, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

uLuuka 5:27

Pisinda, uYeesu aheepa pa nyumba yiila, ahamulola umusonchezya musonko wumo, we izina lyakwe vhahatinji uLaawi, atendiime apa kusonchezezya umusonko. UYeesu ahamuvhuuzya ahati, “Undandate! Uvhe we musundikwa waane.”

uLuuka 6:40

Umusundikwa atangamuluusya umusambiilizi waakwe. Ileelo inga aamala kusambiilila insambiilizyo zyonti, pe akuvha inza umusambiilizi waakwe.

uLuuka 9:23

Pisinda, uYeesu ahavhavhuuzya vhonti ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Yohani 10:27

Ingʼonzi zyane zilimanyile izwi lyane. Niine nzimanyile, zyope zikundandata.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

iMbombo izya Vhatumwa 2:45

Vhahakazyaga ivintu vwavho ni mpiiya zye vhaposheela, vhahazigavhanyaaga kulandatana na vwe vhásovheliilwe.

VaHebuli 10:34

Havhili muhavhafwilaga uvhwila avhamwinyu vhe vhákunziilwe mu jeela. Havhili lwe vhavhafwula ivwuma vwinyu, muhaseshelaga mu mooyo giinyu, mwe pe mwámanyile kuuti muli ni vintu ivwinza nkaani vwe vitakusila naalumo.