Matayi 19:14 - ULufingwi uLupwa

¹⁴ Ileelo uYeesu ahati, “Vhaleshi avhaana ivho vhinze kuli ine, mutavhadindaje ndaali, mwe pe uvhumwene uvhwa Mulungu vhwa vhantu vhe vhali inza avhaana ivho.”

Tesitamenti Umupwa 1965

¹⁴ UwenʼuYesu ahati: Simuvaleshʼavana vinze kukwane, mutavahasamihaje. Shʼishinamwene sha kumwanya sha vuvo venga vali vovulo.

Matayi 19:14 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 18:3

Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Matayi 19:15

UYeesu ahavhavhiishila inyoovhe avhaana ivho, kuvhaloota, pe aheepa ipo.

Matayi 5:10

Vhalosiitwe vhe vhakuyimvilwa kuzya vhugolosu, mwe pe uvhumwene uvhwa Mulungu vhwavho.

Matayi 5:3

“Vhalosiitwe vhe vhapiina mu mooyo, mwe pe uvhumwene uvhwa Mulungu vhwavho.

Maliko 10:14

Ileelo uYeesu atahasungwa lwe aalola vhakuvhadindila, ahati, “Vhaleshi avhaana ivho vhinze kuli ine, mutavhadindaje ndaali, mwe pe uvhumwene uvhwa Mulungu vhwa vhantu vhe vhali inza avhaana ivho.

Maliko 10:15

Nalyoli nkuvhavhuuzya kuuti, umuntu wonti we atakumusuuvhila uMulungu inza umwana vwe akumusuuvhila utaata waakwe, te ahinjile naalumo mu vhumwene uvhwa Mulungu.”

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.