Matayi 18:4 - ULufingwi uLupwa

⁴ Pe ishi, wonti we akuyiisya inza umwana umunsi uno, we mupiti mu vhumwene uvhwa Mulungu.

Tesitamenti Umupwa 1965

⁴ Nkandʼuno wengʼakuyisya weka, akuyipelʼukuva fwe mwana wununo, wʼakuva mupiti mushinamwene sha kumwanya.

Matayi 18:4 ပူးပေါင်းရင်းမြစ်များ

Matayi 18:1

Ahavhaliilizyo hanaaho avhasundikwa vhahasogola kwa Yeesu nu kumuvhuziilizya kuuti, “Mu vhumwene uvhwa Mulungu wu naanu we mupiti kuluusya vhonti?”

Matayi 18:3

Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Matayi 18:5

Havhili, umuntu wonti we akumuposheela umwana umunsi inza uno kwi izina lyane, akumposheela neene.”

Maliko 10:43

Ileelo kuli imwe zitahaavhe vhwevhulo. We akwanza kuvha mupiti wiinyu, avhe muvhomvi wiinyu.

Maliko 9:34

Mwi idala vhahadalinkanaga vhuuvho vheeka kuuti wu naanu mu vheene we mupiti. Lwe avhavhuziilizya, vhahiima mwaa.

uLuuka 14:11

Nkuvhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

uLuuka 9:48

Ahavhavhuuzya ahati, “Umuntu wonti we akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye. Vhwevhulo, we munsi kuli imwe mwenti, akuvha mupiti kuvhaluusya mwenti.”

Yakobu 4:10

Muyisyaje pilongolela ilya Mwene uYeesu, pe woope kwe avhazuvwe.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”