Matayi 18:3 - ULufingwi uLupwa

³ Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Tesitamenti Umupwa 1965

³ ahavavuzya ahati: Nalyoli nkuvavuzyʼine nkuti: Inga mutakuyandula, inga mutakuyipelʼukuva fwe vana, pe mutaliyinjila mushinamwene sha kumwanya.

Matayi 18:3 ပူးပေါင်းရင်းမြစ်များ

Matayi 13:15

Avhantu ivha amooyo gaavho magomu, na makutwi gaavho gatakwivwa, na minso gaavho vhasinziliiye. Inga te she shiyo, aminso gaavho, nkandi gakulola, na makutwi gaavho, nkandi gakwivwa, havhili, nkandi vhakumanyinsanya ku nsiivho zyavho, pe vhapindushe inga mbaposhe.’”

Matayi 18:2

UYeesu ahamwita umwana umunsi, ahamuvhiiha pahati yaavho.

Matayi 18:4

Pe ishi, wonti we akuyiisya inza umwana umunsi uno, we mupiti mu vhumwene uvhwa Mulungu.

Matayi 19:14

Ileelo uYeesu ahati, “Vhaleshi avhaana ivho vhinze kuli ine, mutavhadindaje ndaali, mwe pe uvhumwene uvhwa Mulungu vhwa vhantu vhe vhali inza avhaana ivho.”

Matayi 19:23

Pe uYeesu ahavhavhuuzya avhasundikwa vhaakwe ahati, “Nalyoli shiliivha shigomu nkaani avhadumbwe kwinjila mu vhumwene uvhwa Mulungu.

Matayi 5:18

Nalyoli nkuvhavhuuzya kuuti, lwe hashiili kufiha ahavhaliilizyo he imwanya ni nsi viliyeepa, yitaliipo poosye iheelufi inyinsi, poosye ahandona inga hooka aha ndajizyo izya Moose he haliyeepa lwe zyonti zye zili muumwo zishiili kulunjiha.

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:2

Ishi lwe mukuvhaavwa avhapiina, mutakumusyaje ku vhantu inza vwe avhashifumbo vhakuvhomba mu masinagoogi na mu madala, inga avhantu vhavhatiime. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

Maliko 4:12

‘vhenyaaje zye nkuvhomba, ileelo vhatazilolaje. Havhili vhatejelezyaje zye nkuyanga, ileelo vhatazimanyinsanyaaje. Vhatahinze vhapindushe nu kuswilwa.’”

uLuuka 13:24

“Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

Yohani 1:51

UYeesu ahajendeelela kuyanga kuuti, “Nalyoli nkuvhavhuuzya kuuti, kwe mulole ku mwanya kwigusile, avhahavhizya avha Mulungu vhakuzuvha nu kwiha pali ine ne Mwana wa Aadamu.”

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 28:27

Avhantu ivha amooyo gaavho magomu, na makutwi gaavho gatakwivwa, na minso gaavho vhasinziliiye. Inga te she shiyo, aminso gaavho, nkandi gakulola, na makutwi gaavho, nkandi gakwivwa, havhili, nkandi vhakumanyinsanya ku nsiivho zyavho, pe vhapindushe inga mbaposhe.”’”

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.