Matayi 18:10 - ULufingwi uLupwa

¹⁰ “Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Tesitamenti Umupwa 1965

¹⁰ Mwandaje mutamupupusyaje numo uwa vansʼiva; she nkuvavuzyʼine nkuti: Avahavizya vavo kumwanya vakulolana nawo shima kuminsʼuTata wa kumwanya.

Matayi 18:10 ပူးပေါင်းရင်းမြစ်များ

Matayi 1:20

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Matayi 12:20

Te ahaavhe muhali ku vhayeyevhazu inza vwe atangalivunza itete ilyolo. Havhili te ahaavhe muhali ku vhe vhatali nu wa kuvhaavwa inza vwe atangavhuzimanya uvhutambi vhwe vhukusuuha ilyosi. Kumpeleela alivhuvhiiha uvhwanalyoli vhupoote.

Matayi 18:14

Vhwevhulo, woope uTaata wiitu uwa ku mwanya atakwanza kuuti wumo mu vhansi ivha ateeje.”

Matayi 18:6

“Ileelo inga umuntu wonti akumupelela kuvhomba uvhutalamalandu wumo mu vhansi ivha vhe vhakuniitiha ine, yaamile kwashi ku kwakwe kupinyiilwa ulwala ulupiti mu nsingo nu kusumbilwa pe pivhiiye nkaani mwa sumbi, kuluusya amayimba ge galimwaga.

Matayi 2:13

Lwe avhamanyinsanyi avha nzota vheepa, uhavhizya uwa MWENE uMulungu ahamuloleshela uYoosefu mu njozi, ahamuvhuuzya ahati, “Vhuuha, umunyatule umwana nu nyina, mushimbiilile mu nsi iya Miisili, mwe pe uHeelodi kwe amulondole umwana uyo, inga amugoje. Mutendame ukwo, kufishila ahavhaliilizyo he ndiyinza imbavhuuzye kuuti mugalushe.”

Matayi 2:19

Lwe uHeelodi aafwa, uhavhizya uwa MWENE uMulungu ahamuloleshela uYoosefu mu njozi havhili ku Miisili.

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

uLuuka 1:19

Pe uhavhizya ahamwamula ahati, “Ine ne Gabiliyeeli, nkwimiilila pilongolela ilya Mulungu. Uweene we ansonteleziizye kuuti nkuvhuuzye iwe inongwa inyinza izi.

uLuuka 10:16

UYeesu ahavhavhuuzya avhasundikwa vhaakwe ahati, “Umuntu we akuvhiivwa imwe, akuniivwa neene, woope we akuvhahaana imwe, akunkaana neene. Havhili we akunkaana ine, akumuhaana ula we antumiliziizye.”

uLuuka 16:22

“Pisinda, umupiina uLaazalo ahafwa. Avhahavhizya vhahamunyatula, vhahamuvhiiha papiipi nu Aabulahamu ku mwanya. Udumbwe ula, woope ahafwa, vhahamusyila.

iMbombo izya Vhatumwa 10:3

Isiku limo mu havhaliilizyo aha saala 9 iya musanya ishi, uKolineeliyo ahalola injozi iya pa minso amazelu. Mu njozi iyo, uhavhizya uwa Mulungu ámulolesheeye. Uhavhizya uyo ahamuvhuuzya ahati, “We Kolineeliyo!”

iMbombo izya Vhatumwa 12:15

Avhamwavho vhahamuvhuuzya vhahati, “Uli ni shipena!” Ileelo uweene ahavhuyiizya kuyanga kuuti ayivuuye lizwi lya Peeteli, pe vhahamuvhuuzya vhahati, “Pamo uyo wu havhizya waakwe.”

iMbombo izya Vhatumwa 12:23

Lwe vhamutiima uHeelodi vhwevhulo, atahaamupa uMulungu uvhushindamu. Panaapo vhweleele, uhavhizya uwa MWENE uMulungu ahamusunda ku vhuvhinu uvhwa kuliiwa ni nchololo, ahafwa.

iMbombo izya Vhatumwa 27:23

Ine ne muntu wa Mulungu, havhili ne muvhomvi waakwe. Ileelo uvhusiku uhavhizya waakwe amfumiiye.

iMbombo izya Vhatumwa 5:19

Ileelo uvhusiku vhuula uhavhizya uwa MWENE uMulungu ahinza, ahiigula amalyango aga mu jeela, ahavhafumwa panzi, ahavhavhuuzya ahati,

VaLoma 14:10

Ishi shooni she ukumulonga uwamwinyu? Havhili shooni she ukumusuufwa uwamwinyu? Yeenya, iswe swenti tuliyimiilila kulongwa pilongolela ilya Mulungu.

VaLoma 14:21

Hinza kuleha kuvhomba zye zingamupelela uwamwinyu kuuti apunule, yivhe kwe kulya inyama, poosye kumwela ipele, poosye ishinji shonti shiila.

VaLoma 15:1

Ishi iswe twe tugomile mu lwitiho, yikwanzilwa tuvhajimbililaje vhaala vhe vhatagomile mu lwitiho, tuleshe kuvhomba ziila zye zikutuhondezya sweneeswe.

1 VaKolinti 11:22

Vhuli, mutali ni nyumba zyinyu zye mungatendama kulya nu kumwela? Shooni she mukushisuufwa ishivhanza isha Mulungu nu kuvhasuupizya vhe vhatali ni shintu naashimo? Vhuli, imbavhuuzye ishooni? Vhuli, imbatiime? Ndaali! Kuli izyo, ntakuvhatiima.

1 VaKolinti 16:11

Ishi, umuntu wonti atahamusuufwe, nkandi mumwavwe ayeepe ukwo ku vhutehamu, inga ayinze kuli ine, mwe pe ine nkumuguliilila pooka na vhamwitu.

1 VaKolinti 9:22

Havhili lwe náali ku vhayeyevhazu mu lwitiho, náali inza umuyeyevhazu mu lwitiho, inga mbaaje vhamwitishe uChilisiti. Ku vhantu vhonti náyivhiisile kuvha ne wamwavho, inga ku madala gonti imbaposhe vhamo.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 10:10

Nkuyanga vhwevhulo, mwe pe vhamo vhakuti, “Avhakalaata avha Paavhuli vhali na mazwi amahali, havhili vhali na mazwi amamwamu. Ileelo lwe ali pooka niiswe atakuvha na maha, havhili amazwi gaakwe gakulolesya gatali nu vhumwamu.”

VaGalati 6:1

Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

1 VaTesaloniki 4:8

Pe umuntu wonti we akuhaana insambiilizyo izi, atakumuhaana muntu, akumuhaana wu Mulungu, we akuuvhapa imwe uMupepo waakwe uMufinjile.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

Ishitushizya 8:2

Nkavhalola avhahavhizya 7 vhe vhakwimiilila pilongolela ilya Mulungu, vhoope vhahapeelwa amasaji 7.