Matayi 17:27 - ULufingwi uLupwa

²⁷ Ileelo inga tutahavhaviisye avhantu ivha, sogoola usikule mwa sumbi. Inswi iya kwanda ye waalema, uyibangatule ilomu. Umwo kwe uyaaje impiiya. Uyinyatule impiiya iyo, usogole usonche umusonko uwaane nu waaho.”

Tesitamenti Umupwa 1965

²⁷ Iswe nyene tutavapelelaje nahamʼaha kupunula, pe valaga lelʼiwe kwa sumbi, uhatajilʼuvusikulo vwaho. Ilelʼinswʼintanzi yengʼuyazilʼusikuye, yʼubagatule kwilomu mwʼuliyagʼishekeli zivili yʼuhavapanje yivanje ya kusangula swe vavili nawe nane.

Matayi 17:27 ပူးပေါင်းရင်းမြစ်များ

Matayi 17:26

UPeeteli ahamwamula ahati, “Vhakusonchezyaga vhe vhanji.” UYeesu ahamuvhuuzya ahati, “Inga vwe zili, pe vhavhafwiliiye uvhwila avhantu vhaavho kusonka umusonko.

Matayi 18:6

“Ileelo inga umuntu wonti akumupelela kuvhomba uvhutalamalandu wumo mu vhansi ivha vhe vhakuniitiha ine, yaamile kwashi ku kwakwe kupinyiilwa ulwala ulupiti mu nsingo nu kusumbilwa pe pivhiiye nkaani mwa sumbi, kuluusya amayimba ge galimwaga.

Matayi 18:8

Inga inyoovhe yaaho, poosye ishinama shaaho shikukupelela kuuti uvhombe uvhutalamalandu, ushidumule nu kushisumba ukutali! Yeenya, kwashi kwinjila mu vhulanzi uvhwa shiima ni shinkuntu poosye she we kwesu, kuluusya kusumbilwa mwi ipalaazya ilya mwoto uwa shiima ni nyoovhe zyonti zivhili poosye ni vinama vwonti vivhili.

Matayi 5:29

Ishi inga ilyinso lyaho ilya kundiilo likukupelela kuuti uvhombe uvhutalamalandu, ulifwonkole nu kulisumba. Yeenya, kwashi kushiteezya ishipelwa shaaho shooka isha mu muvhili waaho, kuluusya kuuti umuvhili waaho wonti wuhasumbwe mwi ipalaazya ilya mwoto uwa shiima.

Matayi 5:30

Havhili, inga inyoovhe yaaho iya kundiilo yikukupelela kuuti uvhombe uvhutalamalandu, uyidumule. Yeenya, kwashi kushiteezya ishipelwa shaaho shooka isha mu muvhili waaho, kuluusya kuuti umuvhili waaho wonti kusumbilwa mwi ipalaazya ilya mwoto uwa shiima.”

Maliko 9:42

“Umuntu wonti we akumupelela kuvhomba uvhutalamalandu wumo mu vhansi ivha vhe vhakuniitiha ine, yaamile kwashi ku kwakwe kupinyiilwa ulwala ulupiti mu nsingo yaakwe, nu kusumbilwa mwa sumbi, kuluusya amayimba ge galimwaga.

Maliko 9:43

Inga inyoovhe yaaho yikukupelela kuuti uvhombe uvhutalamalandu, uyidumule! Yeenya, kwashi kwinjila mu vhulanzi uvhwa shiima ni shinkuntu kuluusya kusumbilwa mwi ipalaazya ilya mwoto uwa shiima ni nyoovhe zyonti zivhili.

uLuuka 17:2

Yaamile kwashi umuntu uyo kupinyiilwa ulwala mu nsingo yaakwe, nu kusumbilwa mwa sumbi, kuluusya amayimba ge galimwaga, mwe pe amupelela wumo mu vhansi ivha kuvhomba uvhutalamalandu!

Yohani 6:61

Lwe uYeesu aamanya kuuti avhasundikwa vhaakwe vhakukwinkwina ku ziila zye áyanzile, ahavhavhuziilizya ahati, “Vhuli, amazwi iga gavhapunuzya?

VaLoma 14:21

Hinza kuleha kuvhomba zye zingamupelela uwamwinyu kuuti apunule, yivhe kwe kulya inyama, poosye kumwela ipele, poosye ishinji shonti shiila.

1 VaKolinti 8:13

Ishi, inga ishaakulya she nkulya, shikumupelela uwamwitu kuvhomba uvhutalamalandu, ipo pe te nkaalye inyama naalumo, inga uwamwitu atahinze ayinjile mu vhutalamalandu.

1 VaKolinti 8:9

Ishi muvhe minso, uvhumanyi vhwinyu vhutahaavhe lipunulo ku vhayeyevhazu.

2 VaKolinti 6:3

Ishi tutakuvhomba lyonti lye likuvhapunuzya avhanji, inga uvhuvhomvi vhwitu vhutahinze vhuyangwe havhiivhi.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

1 VaTesaloniki 5:22

Muyefwaje mu mbiivhi zyonti.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.