Matayi 17:12 - ULufingwi uLupwa

¹² Ileelo nkuvhavhuuzya kuuti, uEeliya ahinza, ileelo avhantu vhatámumanyile, vhahamuvhombela imbiivhi zyonti inza vwe vhahanzaga. Vhwevhulo, ne Mwana wa Aadamu kwe njimvilwe mu nyoovhe zyavho.”

Tesitamenti Umupwa 1965

¹² Nkandʼine nkuvavuzya nkuti: Ukwinza kwʼayinzile, avene nyene vatahamumanya, vahamwizizya, inza she vakasime vuvo. Zye zizyo nawe Mwanamuntu valimupelela ukuyimṿilwa zizyo wope.

Matayi 17:12 ပူးပေါင်းရင်းမြစ်များ

Matayi 11:2

Lwe uYoohani uMwozyi akunziilwe mu jeela, ahiivwa zye uChilisiti akuvhomba. Pe ahavhatumiilizya avhasundikwa vhaakwe,

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Matayi 17:11

UYeesu ahavhaamula ahati, “Mwe muumwo, uEeliya akwanzilwa alongolele kwinza, inga asengaanye zyonti.

Matayi 17:13

Pe avhasundikwa ivho vhahamanya kuuti, uYeesu ahayangaga inongwa izya Yoohani uMwozyi.

Matayi 17:22

Lwe uYeesu ali pooka na vhasundikwa vhaakwe mu shigavho isha nsi isha Galilaaya, ahavhavhuuzya ahati, “Ne Mwana wa Aadamu kwe vhambiishe mu nyoovhe izya vhalugu,

Matayi 17:9

Lwe vhakwiha mwi igamba liila, uYeesu ahavhalajizya, ahati, “Mutahinze mumuvhuuzye umuntu nuumo zye mwazilola, kufishila ahavhaliilizyo he ne Mwana wa Aadamu nazyuha.”

Matayi 21:32

Nkuyanga vhwevhulo, mwe pe uYoohani áyinzile kuli imwe, inga avhalanje idala ilya vhugolosu, imwe mutámwitisile. Ileelo avhasonchezya musonko na vhamalaaya vhámwitisile. Poosye vhwevhulo, imwe lwe mwazilola zyonti izyo, mutátonsite uvhutalamalandu vhwinyu nu kumwitiha.”

Matayi 8:20

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

uLuuka 7:33

“Nkuvhaholanya vhwevhulo, mwe pe uYoohani uMwozyi áyinzile, atahalyanga ikaati, poosye kumwela idivaayi, imwe muhati, ‘Ali ni mpepo inkandamanu!’

Yohani 1:11

Áyinzile ku vhantu vhaakwe, ileelo avheene vhatámuposheleeye.

iMbombo izya Vhatumwa 2:23

Inza vwe uMulungu ámanyile nu kusivhiilila kuvhomba kufuma hali, ahamuleeta uYeesu kuli imwe. Niimwe muhamugoga kwi idala ilya kuvhasonzya avhatalamalandu kuuti vhamuhomeele pa shihovhenkanyo.

iMbombo izya Vhatumwa 4:10

Pe imwe pooka na vhantu vhonti avha mu Isilayeeli, mumanye ahinza kuuti, umuntu uno we ayimiliiye pilongolela lyinyu aapona nu kuvha mwinza, ku maha aga izina ilya Yeesu Chilisiti uwa ku Naazaleeti. UYeesu uyo, imwe mwámuhomeleeye pa shihovhenkanyo, ileelo uMulungu ahamuzyusya.

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!