Matayi 17:1 - ULufingwi uLupwa

¹ Lwe zyatuuha insiku 6, uYeesu ahavhanyatula avha Peeteli nu Yaakobu nu Yoohani umunine uwa Yaakobu. Ahazuvha navho kukwilu pi igamba itali.

Tesitamenti Umupwa 1965

¹ Ilelo lwe gashilinkinʼamandʼumutanda, pʼuYesu ahasenda avaPeteli nuYakobu nuYohani umuzuna wakwe, ahazuva navo pigambʼitali, pʼahayeleleha navo.

Matayi 17:1 ပူးပေါင်းရင်းမြစ်များ

Matayi 17:2

Lwe vhali paala, uYeesu ahagalunkana pilongolela lyavho. Pa sheeni shaakwe pahalama ngati lizuvha na menda gaakwe gahavha mazelu nkaani ngati lizuvha.

Matayi 26:37

Ahamunyatula uPeeteli pooka na vhaana vhavhili avha Zebedaayi, ahataliha kuswimiililwa nu kupulupuuta mu mwoyo.

Maliko 13:3

UYeesu ahatendama pi igamba ilya Mazayituuni na vhasundikwa vhaakwe, kulungamana ni Nyumba iMfinjile. UPeeteli nu Yaakobu nu Yoohani nu Andeleeya vhahanda kumuvhuziilizya kukwilu,

Maliko 5:37

UYeesu ahavhahaana avhantu avhanji kumulandata, nkandi we Peeteli nu Yaakobu nu Yoohani umunine uwa Yaakobu.

uLuuka 8:51

UYeesu lwe aafiha kwa Yaayili, ahavhahaana avhantu avhanji kwinjila pooka nawo mwe ishaala sháamile, nkandi we Peeteli nu Yoohani nu Yaakobu nu yise nu maayi uwa mulindu.

2 VaKolinti 13:1

Ulu kwe luvhe lwa vhutatu kuli ine kwinza kuli imwe. UVhusimbe uVhufinjile vhukuti, “Uvhunanzi vhwonti vhulongwaje lwe vhaafumwa uvhwahoome avhantu vhavhili, poosye vhatatu.”

2 Peteli 1:16

Ahavhaliilizyo he tuhavhasambilizyaga izya maha aga Mwene wiitu uYeesu Chilisiti ni zya kwinza kwakwe, tutahasuvhilaga ivwili ivwa ilenga vwe avhantu vhásimvile ku njeele zyavho, nkandi iswe sweneeswe twávhwenyi uvhushindamu vhwakwe.

2 Peteli 1:18

Iswe sweneeswe twívuuye izwi ilyo lye lyívwisile kufuma ku mwanya, ahavhaliilizyo he twáli nawo kwi igamba liila ifinjile.