Matayi 16:28 - ULufingwi uLupwa

²⁸ Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatambwenyi ne Mwana wa Aadamu lwe nkwinza mu vhumwene vhwane.”

Tesitamenti Umupwa 1965

²⁸ Nalyoli nkuvavuzyʼine nkuti: Imwe mwe mwimiliye panapa, vamo vatalimanyʼukufwa lwe mutamuwenyi sutʼuMwanamuntu ukwinza muvumwene vwakwe.

Matayi 16:28 ပူးပေါင်းရင်းမြစ်များ

Matayi 10:23

Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Matayi 16:13

Lwe uYeesu aafiha mu lutala ulwa mu nkaaya iya Kayisaaliya mu Fiilipi, ahavhavhuziilizya avhasundikwa vhaakwe ahati, “Avhantu vhakuti ine ne Mwana wa Aadamu ne naanu?”

Matayi 24:3

Pe uYeesu ahazuvha pi igamba ilya Mazayituuni nu kutendama penepo. Lwe atendama, avhasundikwa vhaakwe vhahasogola kwa Yeesu kukwilu vhahati, “Tuvhuuzye, zyonti izyo zilifumila lii? Havhili shilolesyo vhuli she shilitulolesya kwinza kwaho nu vhusililishilo uvhwa nsi?”

Matayi 24:34

Nalyoli nkuvhavhuuzya kuuti, avhantu avha havhaliilizyo iha te vhatuushe she izi zyonti zishiili kulunjiha.

Matayi 24:42

Pe ishi, muvhanje minso, mwe pe mutamanyile isiku lye ne Mwene wiinyu ndiyinza.

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 8:20

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

Maliko 13:26

Ahavhaliilizyo iho, pe avhantu vhalindola ine ne Mwana wa Aadamu nkwinza mu mavhingo ku maha nu vhushindamu.

Maliko 8:38

Umuntu wonti we akundolela insoni ine na mazwi gaane ku vhavhembu na vhatalamalandu avha havhaliilizyo iha, niine ne Mwana wa Aadamu, ndimuhaana lwe nkwinza havhili nu vhushindamu uvhwa Taata waane, pooka na vhahavhizya avhafinjile.”

Maliko 9:1

UYeesu ahavhavhuuzya avhantu ahati, “Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatavhuvhwenyi uvhumwene uvhwa Mulungu lwe vhukwinza ku maha.”

uLuuka 18:8

Nkuvhavhuuzya kuuti, uMulungu kwe avhavhombele naluvhiilo zye zikwanzilwa kuvhavhombela. Ishi ne Mwana wa Aadamu lwe nkugaluha mu nsi, ndivhaaga avhantu vhe vhakuniitiha?”

uLuuka 2:26

UMupepo uMufinjile ámuvhuziizye kuuti, “Te uhaafwe she ushiili kumulola uChilisiti uwa MWENE uMulungu.”

uLuuka 9:27

Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatavhuvhwenyi uvhumwene uvhwa Mulungu.”

Yohani 21:22

UYeesu ahamwamula uPeeteli ahati, “Inga nkwanza kuuti uno avhe mulanzi kufishila lwe nkugaluha, shooni she iwe izyo zikukutamwa? Iwe undandate ine.”

Yohani 8:51

Nalyoli kuvhavhuuzya kuuti, umuntu wonti we akuzilandata zye nkusambiilizya, te ahaafwe naalumo.”

Yohani 8:52

Pe aVhayuuda vhaala vhahamuvhuuzya uYeesu vhahati, “Ishi twamanya kuuti iwe uli ni mpepo inkandamanu! UAabulahamu na vhakuvhwi vhahafwa, ileelo iwe ukuti, ‘Umuntu wonti we akulandata zye nkusambiilizya, te ahaafwe naalumo.’

iMbombo izya Vhatumwa 1:11

Vhahati, “Mwe vhanaavuli vha mu Galilaaya, shooni she mwimiliiye ipa nu kutontomela ku mwanya? UYeesu uno we anyatulwa kufuma kuli imwe, aligaluha havhili vhwevhulo inza vwe mwamulola akusogola ku mwanya.”

1 VaKolinti 15:23

Ileelo avhantu vhonti vhalizyuha ku havhaliilizyo he uMulungu ahavhiisile. UChilisiti we álongoleeye kuzyuha, pisinda vhalizyuha avhantu vhaakwe lwe ayinza.

1 VaTesaloniki 1:10

nu kumuguliilila uMwana waakwe uYeesu kufuma ku mwanya. Uweene we uMulungu ámuzyusiizye, havhili we akutupoha mu vhuhalazu uvhwa Mulungu vhwe vhukwinza.

VaHebuli 2:9

Ileelo tukumulola uYeesu, we uMulungu ámuvhiisile kuvha munsi kuluusya avhahavhizya ku havhaliilizyo hansi. Uyo we uMulungu amupiiye uvhushindamu nu mushinzi umupiti kufumiilana nu kuyimba nu kufwa kwakwe. UMulungu ávhomvile vhwevhulo, inga kwi idala ilya vhwila vhwakwe, uYeesu afwe kuzya kuvhapoha avhantu vhonti.

Yakobu 5:7

Mwe vhamwitu, mujimbililaje kufishila ahavhaliilizyo he uMwene uYeesu aliyinza. Yeenyi uvhujimbiilizu uvhwa mulimi. Uweene akuguliilila umugunda wumezye nu kugomwa iviyavho ahinza. Iviyavho ivwo vili ni ilonka ku kwakwe. Ye nongwa akujimbiilila imvula iya mu ndundo ni ya shisiku.

2 Peteli 1:16

Ahavhaliilizyo he tuhavhasambilizyaga izya maha aga Mwene wiitu uYeesu Chilisiti ni zya kwinza kwakwe, tutahasuvhilaga ivwili ivwa ilenga vwe avhantu vhásimvile ku njeele zyavho, nkandi iswe sweneeswe twávhwenyi uvhushindamu vhwakwe.

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.