Matayi 16:27 - ULufingwi uLupwa

²⁷ Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Tesitamenti Umupwa 1965

²⁷ ShʼuMwanamuntu pʼaliyinza navahavizya vakwe muvupiti vwa Yise, pʼalivalipilʼavantu vonti zye ziyanine nimbombo zyavo unʼiyakwe unʼiyakwe.

Matayi 16:27 ပူးပေါင်းရင်းမြစ်များ

Matayi 13:41

Ne Mwana wa Aadamu ndivhatumiilizya avhahavhizya vhaane, inga vhavhavhungaanishe nu kuvhafumwa mu vhumwene vhwane, avhantu vhonti vhe vhakuvhapuvwa avhamwavho na vhasambusu.

Matayi 13:49

Vwe ziliivha ku vhusililishilo uvhwa nsi. Avhahavhizya vhaliyinza nu kuvhasavhulanya avhatalamalandu kufuma mu vhagolosu.

Matayi 24:30

“Ahavhaliilizyo iho ishilolesyo isha ine ne Mwana wa Aadamu shililoleha kumwanya. Pe avhantu vhonti avha mu nkolo izya mu nsi zyonti vhalitaliha kuloosya kwi lyoga. Lwe nkwinza, avhantu vhonti vhalindola mu mavhingo na maha nu vhushindamu uvhupiti.

Matayi 25:31

UYeesu ahajendeelela kuvhavhuuzya avhasundikwa vhaakwe kuuti, “Lwe ine ne Mwana wa Aadamu ninza mu vhushindamu vhwane pooka na vhahavhizya vhonti, nditendama pa shitengo shaane isha vhushindamu.

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 8:20

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

Maliko 14:62

UYeesu ahati, “Ine ne neene. Niimwe kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani, havhili kwe mundole nkwinza mu mavhingo.”

Maliko 8:38

Umuntu wonti we akundolela insoni ine na mazwi gaane ku vhavhembu na vhatalamalandu avha havhaliilizyo iha, niine ne Mwana wa Aadamu, ndimuhaana lwe nkwinza havhili nu vhushindamu uvhwa Taata waane, pooka na vhahavhizya avhafinjile.”

uLuuka 21:27

“Pe ne Mwana wa Aadamu ndililoleha nkwinza mu mavhingo na maha nu vhushindamu uvhupiti.

uLuuka 22:69

Ileelo kufuma isaala ili, ne Mwana wa Aadamu kwe ntendame ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani.”

uLuuka 9:26

Umuntu wonti we akunkaana ine ni nsambiilizyo zyane pa vhantu, niine ne Mwana wa Aadamu lwe nkwinza mu vhushindamu vhwane, nu vhwa Taata nu vhwa vhahavhizya avhafinjile, ndimuhaana umuntu uyo.

Yohani 21:22

UYeesu ahamwamula uPeeteli ahati, “Inga nkwanza kuuti uno avhe mulanzi kufishila lwe nkugaluha, shooni she iwe izyo zikukutamwa? Iwe undandate ine.”

Yohani 21:23

Amazwi igo ge uYeesu áyanzile gahivwiha ku vhasundikwa avhinji, pe vhahasiivha kuuti umusundikwa uyo te ahaafwe. Ileelo uYeesu atámuvhuziizye umusundikwa uyo kuuti te ahaafwe, átili, “Inga nkwanza kuuti uno avhe mulanzi kufishila lwe nkugaluha, shooni she iwe izyo zikukutamwa?”

iMbombo izya Vhatumwa 1:11

Vhahati, “Mwe vhanaavuli vha mu Galilaaya, shooni she mwimiliiye ipa nu kutontomela ku mwanya? UYeesu uno we anyatulwa kufuma kuli imwe, aligaluha havhili vhwevhulo inza vwe mwamulola akusogola ku mwanya.”

VaLoma 14:12

Kuli izyo, umuntu wonti muli iswe alilondovhola wuuyo inongwa zyakwe pilongolela lya Mulungu.

VaLoma 2:6

Isiku ilyo uMulungu alivhalipa avhantu vhonti kulandatana ni mbombo zyavho.

1 VaKolinti 15:23

Ileelo avhantu vhonti vhalizyuha ku havhaliilizyo he uMulungu ahavhiisile. UChilisiti we álongoleeye kuzyuha, pisinda vhalizyuha avhantu vhaakwe lwe ayinza.

1 VaKolinti 3:13

Imbombo izya vhantu vhonti zililoleha vwe zili. Isiku liila ilya vhulonzi imbombo zyonti ziliivha apazelu, mwe pe imbombo izya vhantu vhonti zililingwa pa mwoto uwa vhulonzi.

1 VaKolinti 8:8

Ileelo ishaakulya shitakutuvhiiha kuvha papiipi nu Mulungu. Tutakusovhelwa ishintu naashimo inga tutakulya, havhili poosye inga tukulya, tutakwonjezelwa ishintu naashimo.

2 VaKolinti 5:10

Nkuyanga vhwevhulo, mwe pe iswe swenti tuliyimiilila pilongolela ilya Chilisiti, nu kulongwa. Avhantu vhonti vhaliposheela amalipilo aga mbombo zye vhakuvhomba mu nsi umu, zivhe nyinza, poosye zivhe mbiivhi.

VaEfeso 6:8

Mumanye kuuti uMwene uYeesu aliimupa ishipeelwa umuntu wonti ku mbombo yaakwe inyinza ye akuvhomba, avhe muzya poosye te muzya.

Kolosi 3:25

Ileelo wonti we akuvhomba uvhutalamalandu, aliposheela kulandatana nu vhutalamalandu vhwakwe, mwe pe uMulungu atakusavhulanya.

1 VaTesaloniki 1:10

nu kumuguliilila uMwana waakwe uYeesu kufuma ku mwanya. Uweene we uMulungu ámuzyusiizye, havhili we akutupoha mu vhuhalazu uvhwa Mulungu vhwe vhukwinza.

1 VaTesaloniki 4:16

Nkuyanga vhwevhulo, mwe pe uMwene wuuyo aliyiiha kufuma ku mwanya. Aliyanga kwi izwi ilya maha, pooka ni izwi ilya havhizya umupiti ni izwi ilya isaji ilya Mulungu. Pe vhaala vhe vháfuuye she vhamwitisile uChilisiti, vhalizyuha suuti.

Yakobu 5:7

Mwe vhamwitu, mujimbililaje kufishila ahavhaliilizyo he uMwene uYeesu aliyinza. Yeenyi uvhujimbiilizu uvhwa mulimi. Uweene akuguliilila umugunda wumezye nu kugomwa iviyavho ahinza. Iviyavho ivwo vili ni ilonka ku kwakwe. Ye nongwa akujimbiilila imvula iya mu ndundo ni ya shisiku.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.

uYuuda 1:14

UEenoki, utaata uwa 7 kufuma pa Aadamu, áfumwizye uvhukuvhwi ku zyavho. Átili, “Yeenyi, uMWENE uMulungu akwinza na vhahavhizya vhaakwe avhafinjile amashumi na mashumi,

Ishitushizya 1:7

Yeenyi, akwinza na mavhingo! Avhantu vhonti vhalimulola, poosye vhe vhámulasile ni mpalala, na vhantu avha nsi zyonti vhalikuuta nu kuloosya ku zyakwe. Nalyoli! Amina.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.