Matayi 16:23 - ULufingwi uLupwa

²³ Ileelo uYeesu ahagalunkana kwa Peeteli, ahamuvhuuzya ahati, “Galuuha mwisinda iwe Seetano! Ukulinga kundinda kuvhomba ulukasamo ulwa Mulungu! Nkukuvhuuzya isho, mwe pe zye ukusiivha te zya Mulungu, ukusiivha izya vhantu.”

Tesitamenti Umupwa 1965

²³ Uwene ahamusyetushilʼuPeteli ahati: Galushilaga mwisinda we Setano! Iwe we shipunulo kukwane. Shʼutakusivʼizya kwa Mulungu, ukusiva zye zya vantu vwelelʼiwe.

Matayi 16:23 ပူးပေါင်းရင်းမြစ်များ

Matayi 16:22

Pe uPeeteli ahasaavhuha nawo ku luvhazu, ahataliha kumupilila kuuti, “We Mwene, yitahaavhe inza isho! Izyo te zikwaje iwe!”

Matayi 18:7

“Mwasheela mwe vhantu mwe vha mu nsi umu, ku ndingo zye zikupelela avhantu kuvhomba uvhutalamalandu! Indingo izyo zikwanzilwa kwinza, ileelo asheela umuntu we akuzileeta indingo izyo!

Matayi 4:10

UYeesu woope ahamwamula ahati, “Yeepa ipa, we Seetano! Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili, umuvhombelaje wuuyo weeka vhweleele.’”

Maliko 8:33

UYeesu ahagalunkana, ahavheenya avhasundikwa vhaakwe, ahamupilila uPeeteli, ahati, “Galuuha mwisinda iwe Seetano, mwe pe zye ukusiivha te zya Mulungu, ukusiivha izya vhantu.”

uLuuka 4:8

UYeesu ahamwamula ahati, “Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili umuvhombelaje wuuyo weeka vhweleele.’”

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

VaLoma 14:13

Ishi, tuleshe kulongana, poosye kuvhomba lyonti lye lingamupelela uwamwitu kupunula, poosye kuvhomba uvhutalamalandu.

VaLoma 14:21

Hinza kuleha kuvhomba zye zingamupelela uwamwinyu kuuti apunule, yivhe kwe kulya inyama, poosye kumwela ipele, poosye ishinji shonti shiila.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

Kolosi 3:2

Muzisivhililaje izya ku mwanya, mutazisivhililaje izya pa nsi ipa,