Matayi 16:21 - ULufingwi uLupwa

²¹ Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Tesitamenti Umupwa 1965

²¹ Pʼahanda pupʼuYesu ahavalanganizyʼavasundikwa vakwe ahati: Pakuti mbale mu-Yelusalemu mwe valinizizya nkani navasongo navashiputʼavapiti navamanyakalata, mwe valingoga, pisiku lya vutatu nyene pe ndizyuha havili.

Matayi 16:21 ပူးပေါင်းရင်းမြစ်များ

Matayi 12:40

Nkuyanga vhwevhulo, mwe pe inza vwe uYoona átendiime insiku zitatu mu lwanda ulwa nswi impiti uvhusiku nu musanya, niine ne Mwana wa Aadamu kwe ntendame mu mbiipa insiku zitatu uvhusiku nu musanya.

Matayi 16:22

Pe uPeeteli ahasaavhuha nawo ku luvhazu, ahataliha kumupilila kuuti, “We Mwene, yitahaavhe inza isho! Izyo te zikwaje iwe!”

Matayi 16:28

Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatambwenyi ne Mwana wa Aadamu lwe nkwinza mu vhumwene vhwane.”

Matayi 17:12

Ileelo nkuvhavhuuzya kuuti, uEeliya ahinza, ileelo avhantu vhatámumanyile, vhahamuvhombela imbiivhi zyonti inza vwe vhahanzaga. Vhwevhulo, ne Mwana wa Aadamu kwe njimvilwe mu nyoovhe zyavho.”

Matayi 17:9

Lwe vhakwiha mwi igamba liila, uYeesu ahavhalajizya, ahati, “Mutahinze mumuvhuuzye umuntu nuumo zye mwazilola, kufishila ahavhaliilizyo he ne Mwana wa Aadamu nazyuha.”

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 26:2

“Inza vwe mumanyile, zyasyala insiku zivhili kufiha pa shikulukuulu isha Pasaaka. Ine ne Mwana wa Aadamu kwe vhananiile, inga nkomeelwe pa shihovhenkanyo.”

Matayi 26:47

Ahavhaliilizyo hehaala uYeesu lwe akuyanga, uYuuda, we wooka mu vhasundikwa 12 ahafiha ni ivhungaana ipiti ilya vhantu vhe vháamile na mapanga ni nduugu. Avhantu ivho vháfumile ku vhapiti avha vhapuuti na vhasongo avha Vhayuuda.

Matayi 27:12

Pe avhapiti avha vhapuuti na vhasongo avha Vhayuuda vhahanda kumulonjeelela uYeesu, ileelo uweene atahavhaamula naashimo.

Matayi 27:63

Pe vhahamuvhuuzya vhahati, “We mwene, tukukumbuha kuuti lwe we akuhopenkanya ula mupuuma, áyanzile átili, ‘Lwe zyatuuha insiku zitatu, ndizyuha.’

Matayi 28:6

Ataliipo ipa! UMulungu amuzyusiizye, inza vwe ávhavhuziizye! Yeenyi pe vhaamukasiizye.

Maliko 8:31

UYeesu ahataliha kuvhasambiilizya avhasundikwa vhaakwe kuuti, “Ne Mwana wa Aadamu nkwanzilwa kuyimba nkaani nu kuhaanwa na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Maliko 9:12

UYeesu ahavhaamula ahati, “Mwe muumwo, uEeliya akwanzilwa alongolele kwinza, inga asengaanye zyonti. Pooka niizyo, shooni she yisimviilwe mu Vhusimbe uVhufinjile kuuti, ine ne Mwana wa Aadamu ndiyimba amayimba aminji, nu kujevhulwa?

uLuuka 17:25

Lwe suuti izyo zishiili kufumila, ine ne Mwana wa Aadamu, ku lukasamo ulwa Mulungu nkwanzilwa kuyimba ku nyinji nu kuhaanwa na vhantu avha havhaliilizyo iha.

uLuuka 24:46

ahavhavhuuzya ahati, “Yisimviilwe mu Vhusimbe uVhufinjile kuuti, uChilisiti aliyimvilwa nu kufwa, ileelo isiku ilya vhutatu, alizyuha.

uLuuka 9:31

Vhahalolehaga mu vhushindamu uvhwa Mulungu. Vhahayangaga vwe uYeesu kuuti alunjisye zye uMulungu ásivhiliiye, izya kufwa kwakwe ku Yelusaleemu.