Matayi 16:18 - ULufingwi uLupwa

¹⁸ Ine nkukuvhuuzya kuuti, iwe we we Peeteli. Pi iyalaawe ili, kwe nzenje ishivhanza shaane, na maha aga ku vhuzimu te gahashipoote naalumo.

Tesitamenti Umupwa 1965

¹⁸ Nane nkukuvuzya lelo nkuti: Nawe we Peteli we liyalavwe, ilelʼine piyalavwe linili pe ndizengʼishivanza shane, ṿwope naṿwe ṿilyango ṿwa kuvuzimu ṿitalishipota.

Matayi 16:18 ပူးပေါင်းရင်းမြစ်များ

Matayi 10:2

Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Matayi 11:23

Niimwe mwe vhantu avha mu nkaaya iya Kapelanawuumu, vhuli, mukusiivha kuuti muliizuvha kufishila ku mwanya? Ndaali! Te yihaavhe vhwevhulo, mulisumbwa pansi kufishila ku vhuzimu. Nkuyanga isho, mwe pe amafindango ge mbomvile kuli imwe, inga gapele gavhombehaje mwe mu nkaaya iya Sodooma, inkaaya iyo, nkandi yiliipo kufishila ileelo.

Matayi 18:17

Inga atavhatejeelezya vhoope ivho, usogole ushivhuuzye ishivhanza. Inga atashitejeelezya ni shivhanza, pe shimuvhiishe inza we atamwitisile uMulungu, poosye inza umusonchezya musonko.”

Matayi 4:18

Lwe uYeesu akujenda mu luvhazu mwa sumbi uwa Galilaaya, ahavhalola avhavuvhi avha nswi vhavhili, uSiimoni we izina ilyamwavho vhahatinji uPeeteli nu munine waakwe uAndeleeya. Vhahasumbilaga inyeelo zyavho mwa sumbi.

Matayi 7:24

“Pe ishi, umuntu we akugatejeelezya amazwi gaane nu kugalema, aliivha ngati muntu uwa vhushindamu uvhwa njeele we ázenzile inyumba yaakwe pi iyalaawe.

Yohani 1:42

Pe uAndeleeya ahinza nu Siimoni kwa Yeesu. UYeesu ahamwenya uSiimoni, ahamuvhuuzya ahati, “Iwe we Siimoni umwana wa Yoohani. Ishi, izina lyaho kuuti uvhe we Keefa.” (Izina ili kwe kuuti Peeteli poosye kuuti iyalaawe.)

iMbombo izya Vhatumwa 2:47

Vhahamutiimaga uMulungu, nu kuvhahondezya avhantu vhonti. Insiku zyonti, uMwene uYeesu ahonjezyaga avhantu avhanji vhe vhahapokwaga.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 8:1

Isiku liila lye vhámugozile uSiteefani, amayimba amapiti gahataliha mu shivhanza isha ku Yelusaleemu. Avhantu vhonti avha mu shivhanza vhahasataana mu nsi iya Yudeeya ni ya mu Samaliya. Ileelo avhatumwa vheeka vhe vhahasyala.

1 VaKolinti 15:55

“We vhufwe, uvhupooti vhwaho vhuli kwoshi? Gali kwoshi amaha gaaho aga kuleeta uvhuvhaavi?”

VaGalati 2:9

Havhili uYaakobu nu Keefa nu Yoohani vhe vhakuloleha kuuti vhalongozi avhapiti, vhámanyile kuuti uMulungu ku vhwila vhwakwe, ámpiiye imbombo ino. Pe vhahatulema inyoovhe nu Balinaaba, kuvha shilolesyo isha vhuliilani. Twítinkiine kuuti iswe tukwanzilwa kuvhomba imbombo ku vhe te Vhayuuda, avheene ku Vhayuuda.

VaEfeso 3:10

UMulungu ali nu vhushindamu uvhwa njeele mu zyonti zye akuvhomba. Pe akuvhalolesya avhantu ulukasamo lwakwe, inga kutuushila ku vhantu vhe vhakumwitiha uChilisiti, avhamanyisye vhe vhakukonzya na vhe vhali na maha mu nsi ye yitakuloleha pa minso amazelu, uvhushindamu uvhwa njeele uvhwo.

VaEfeso 5:32

Amazwi iga gali nu vhuzigizigi uvhupiti, ileelo ine nkuyanga kuuti gakulolesya izya Chilisiti ni shivhanza.

Kolosi 1:18

Havhili uweene ali inza itwe mu muvhili, kwe kuuti mupiti uwa shivhanza, uweene we vhwandilo uvhwa shivhanza, havhili mutanzi kuzyuha, inga avhe mupiti mu zyonti.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

1 Timoti 3:5

Inga umuntu akupootwa kuyimililila inyumba yaakwe, angashimililila vhuli ishivhanza isha Mulungu?

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 21:14

Ulupitu ulwa nkaaya iyo lwázengwilwe mu mavhwe 12 aga lwalo. Mu mavhwe igo lyásimviilwe lyoka mu gaala amazina 12 aga vhatumwa avha Hagonzi aha MWENE uMulungu.