Matayi 16:16 - ULufingwi uLupwa

¹⁶ USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Tesitamenti Umupwa 1965

¹⁶ PʼuSimoni Peteli ahamula ahati: We Chilisiti iwe, we Mwana wa Mulungu wʼalipo.

Matayi 16:16 ပူးပေါင်းရင်းမြစ်များ

Matayi 1:16

UYaakobu ahamupaapa uYoosefu, umulume wa Maliiya. UMaliiya we ámupaafile uYeesu we wu Chilisiti.

Matayi 14:33

Pe avhasundikwa vhe vháali mwi ivhooti, vhahamusugamilila uYeesu vhahati, “Nalyoli iwe we Mwana wa Mulungu!”

Matayi 16:15

UYeesu ahavhavhuziilizya havhili ahati, “Ileelo imwe mukuti ine ne naanu?”

Matayi 26:63

Ileelo uYeesu ahapuuma. Pe umupuuti umupiti ahayanga havhili ahati, “Twivwe lapa kwi izina ilya Mulungu uMulanzi, utuvhuuzye inga iwe we Chilisiti, uMwana wa Mulungu.”

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

Maliko 14:61

Ileelo uYeesu ahapuuma, atahaamula naashimo. Pe umupuuti umupiti ahamuvhuziilizya havhili ahati, “Iwe we Chilisiti, uMwana wa Mulungu uMushindamu?”

uLuuka 2:11

Ileelo mu nkaaya iya Betelehemu mwe uDaavhudi ápafwilwe, apafwilwe uMuposhi ku zyinyu. Uyo we wu Chilisiti, uMwene.

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 11:27

UMaalita ahamwamula uYeesu ahati, “Mwe muumwo Mwene, niitiha kuuti iwe we Chilisiti, uMwana wa Mulungu we ukwinza mu nsi umu kufuma kwa Mulungu.”

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 6:57

“Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

Yohani 6:68

USiimoni uPeeteli ahamwamula ahati, “We Mwene, vhuli, wu naanu uwamwavho we tungasogola ku kwakwe? Iwe uli na mazwi ge gakuutupa uvhulanzi uvhwa shiima.

Yohani 6:69

Iswe tukwitiha, havhili tumanyile kuuti iwe we we Mufinjile we uMulungu áfinzile kumuleeta!”

iMbombo izya Vhatumwa 14:15

vhahati, “Mwe vhantu! Shooni she mukuvhomba izi? Niiswe swe vhantu inza imwe! Tukuvhalumbiilila Izwi iLyinza, inga mupindushe nu kuzileha izya shaaha izi, havhili mumulandate uMulungu uMulanzi. Uweene we ahapela imwanya ni nsi nu sumbi, na vwonti vwe vili muumwo.

iMbombo izya Vhatumwa 8:36

Lwe vhakujenda mwi idala, vhahafiha pe páamile aminzi. Umupiti uyo ahamuvhuuzya uFiilipo ahati, “Yeenya, aminzi iga ipa! Shooni she shingandinda kuuti ntahoozelwe?”

iMbombo izya Vhatumwa 8:37

UFiilipo ahamwamula ahati, “Inga wamwitiha uYeesu Chilisiti ku mwoyo waaho wonti, ungoozelwa.” Umupiti uyo ahamwamula ahati, “Niitiha kuuti uYeesu Chilisiti Mwana wa Mulungu.”

iMbombo izya Vhatumwa 9:20

Pe ahanda kusogola mu masinagoogi, ahakumusyaga izya Yeesu, ahatinji, “Uyo we Mwana wa Mulungu.”

VaLoma 1:4

Uyo we uMulungu ámuzyusiizye ku maha aga Mupepo uMufinjile. Kwi idala ilyo, áhomesheziizye kuuti Mwana wa Mulungu uwa Maha Gonti. Uyo we wu Mwene wiitu uYeesu Chilisiti.

2 VaKolinti 1:19

Nkuyanga vhwevhulo, mwe pe uYeesu Chilisiti uMwana wa Mulungu we ine nu Silwano nu Tiimoti twámukumusiizye kuli imwe, atáamile muntu wa kusangaanya amazwi kuuti, ayanje ati, “Eena” havhili ati, “Ndaali.” Uweene ahavhaliilizyo honti wu “Eena,” kwe kuuti zye akuyanga zya nalyoli.

2 VaKolinti 3:3

Mukulolesya kuuti imwe mwe kalaata we afumile kwa Chilisiti, we akulolesya imbombo zye tuvhomvile kuli imwe. Ukalaata uyo atali inza ukalaata we asimviilwe nu wiino, nkandi nu Mupepo uwa Mulungu uMulanzi. Havhili mutali inza ukalaata we asimviilwe mwi ivhwe, nkandi we asimviilwe mu mooyo aga vhantu.

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

VaHebuli 10:31

Nalyoli yikwogofwa nkaani kupeelwa isunde nu Mulungu uMulanzi.

VaHebuli 12:22

Ileelo imwe mwafiha pi igamba uSayuuni, pa nkaaya iya Yelusaleemu iya ku mwanya. Inkaaya iyo nkaaya iya Mulungu uMulanzi. Apenepo, vhavhungiine ku luseshelo avhahavhizya amashumi na mashumi.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

1 Yohani 5:5

Vhuli! Wu naanu we angazipoota imbiivhi izya mu nsi? We wula we akwitiha kuuti uYeesu Mwana wa Mulungu.

Ishitushizya 7:2

Nkalola uhavhizya uwamwavho akuzuvha kufuma kuvhutukulo, áali ni shilemezanyo isha Mulungu uweene we mulanzi. Ahavhavhuuzya kwi izwi ipiti avhahavhizya vhaala vhane, vhe vhápeliilwe amaha aga kuyinanganya insi nu sumbi,