Matayi 15:31 - ULufingwi uLupwa

³¹ Avhantu ivho vhahasukumila nkaani lwe vhaalola avhashinuunu vhakuyanga, na vhalemazu na vhantendya vhakujenda na vhantonko vhakulola. Vhahamutiima uMulungu uwa Vhaisilayeeli.

Tesitamenti Umupwa 1965

³¹ Pʼavantʼimpuga yonti vahasukumila lwe vawenyi nukuyangʼavashinunu nukuyanana ve valemayʼumuvili, nukujenda ve vahagugaga nukwenyʼavantonko. VahamutimʼuMulungu wa Yisilayili.

Matayi 15:31 ပူးပေါင်းရင်းမြစ်များ

Matayi 15:30

Avhantu ivhungaana ipiti vhahasogola kwa Yeesu, vhahavhatwala ku kwakwe avhantendya na vhantonko na vhalemazu na vhashinuunu na vhavhinu avhanji avhinji. Avhantu ivho vhahavhavhiiha avhavhinu pilongolela pa Yeesu, woope ahavhaponia.

Matayi 18:8

Inga inyoovhe yaaho, poosye ishinama shaaho shikukupelela kuuti uvhombe uvhutalamalandu, ushidumule nu kushisumba ukutali! Yeenya, kwashi kwinjila mu vhulanzi uvhwa shiima ni shinkuntu poosye she we kwesu, kuluusya kusumbilwa mwi ipalaazya ilya mwoto uwa shiima ni nyoovhe zyonti zivhili poosye ni vinama vwonti vivhili.

Matayi 21:14

Lwe uYeesu ali pa Nyumba iMfinjile ipo, vhahinza avhantonko na vhantendya ku kwakwe, woope ahavhaponia.

Matayi 8:10

Lwe uYeesu ayiivwa izyo, ahasukumila nkaani. Ahavhavhuuzya vhe vhahamulandataga ahati, “Nalyoli nkuvhavhuuzya kuuti, mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!

Matayi 9:32

Lwe avhantu vhaala vheepa, avhamwavho vhahamuleeta kwa Yeesu umuntu wumo we álemwilwe ni mpepo inkandamanu. Impepo iyo yámuvhiisile kuvha wu shinuunu.

Matayi 9:33

UYeesu ahayishimbizya impepo iyo, naluvhiilo, umuntu uyo ahataliha kuyanga. Ivhungaana ilya vhantu vhe vháamile paala vhahasukumila nkaani, vhahati, “Mu nsi yonti iya Isilayeeli zitahafumila naalumo inza izi!”

Matayi 9:8

Ivhungaana ilya vhantu lwe lyalola izyo, lihoogopa nkaani. Lihamutiima uMulungu we ávhapiiye avhantu amaha igo.

Maliko 2:12

Pepaala ahimiilila, ahanyatula izagala lyakwe, aheepa she avhantu vhonti vhakumulola. Avhantu vhe vháliipo paala lwe vhaalola vhahasukumila nkaani, vhahamutiima uMulungu, vhahati, “Tutahalola naalumo amafindango inza iga!”

Maliko 7:37

Avhantu vhonti vhahasukumila nkaani, vhahati, “Atuvhombela zyonti ahinza, avhatuula avhakuutwi kwivwa na vhashinuunu kuyanga.”

Maliko 9:43

Inga inyoovhe yaaho yikukupelela kuuti uvhombe uvhutalamalandu, uyidumule! Yeenya, kwashi kwinjila mu vhulanzi uvhwa shiima ni shinkuntu kuluusya kusumbilwa mwi ipalaazya ilya mwoto uwa shiima ni nyoovhe zyonti zivhili.

uLuuka 14:13

Lwe ukusengaanya umulyo, uvhalanjilaje avhapiina na vhantendya na vhantonko.

uLuuka 14:21

“Umuvhomvi uyo ahagaluha, ahamuvhuuzya zyonti umwene waakwe. Pe umwene uyo ahaviitwa, ahamuvhuuzya umuvhomvi waakwe ahati, ‘Luvhiilo sogoola mu mbalaabala na mu madala aga mu nkaaya ino, uvhaleete ipa avhapiina na vhe vhalemaaye na vhantonko na vhantendya.’

uLuuka 18:43

Ahavhaliilizyo hanaaho untonko uyo ahataliha kulola, pe ahataliha kumulandata uYeesu uku akumutiima uMulungu. Avhantu vhonti lwe vhazilola izyo, vhoope vhahamutiima uMulungu.

uLuuka 7:16

Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

Yohani 9:24

Pe avhalongozi avha Vhayuuda vhahamwita havhili ulwa vhuvhili umuntu we áamile wu ntonko, vhahamuvhuuzya vhahati, “Lapa kwa Mulungu, kuuti ukuyanga uvhwanalyoli! Iswe tumanyile kuuti umuntu uyo we aakuponiizye, mutalamalandu.”