Matayi 14:31 - ULufingwi uLupwa

³¹ Naluvhiilo, uYeesu ahagolosya inyoovhe nu kumulema, ahamuvhuuzya ahati, “We wa lwitiho ulunsi, shooni she uli na maganigani?”

Tesitamenti Umupwa 1965

³¹ PʼuYesu ahagolosyʼumuhono luvilo luvilo, ahamulema ahamuvuzya ahati: We wa lwitihʼulupupusʼiwe, waganagana shonu?

Matayi 14:31 ပူးပေါင်းရင်းမြစ်များ

Matayi 14:30

Ileelo lwe aalola inkungu impiti, ahoogopa. Ahataliha kudwivha, pe ahahoola ahati, “We Mwene, mpoha!”

Matayi 14:32

Lwe uYeesu nu Peeteli vhinjila mwi ivhooti, inkungu yiila yihaleha kuvugula.

Matayi 16:8

UYeesu ahamanya zye vhakupanzanya, ahavhavhuuzya ahati, “Mwe vha lwitiho ulunsi imwe! Shooni she mukupanzanya kuuti mutali na makaati?

Matayi 17:20

Uweene ahavhaamula ahati, “Mwaaposiitwe, mwe pe ulwitiho lwinyu lunsi. Nalyoli nkuvhavhuuzya kuuti, inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya igamba ili kuuti, ‘Kumpuuha ipa, usogole paala,’ lyope lingakumpuha. Naashimo she shilivhapoota imwe.

Matayi 6:30

Ishi inga uMulungu akugazwalizya amatundu aga mwi ilaala inza isho, poosye she gakuhondela ku havhaliilizyo hansi vhweleele, indaavhi gakusumbwa mu mwoto, vhuli, atangavhazwalizya ahinza nkaani imwe? Mukusukumizya ku lwitiho lwinyu ulunsi.

Matayi 8:26

UYeesu ahavhaamula ahati, “Shooni she mukwogopa, imwe mwe vha lwitiho ulunsi?” Pe ahimiilila, ahayipilila inkungu nu sumbi, vihapuuma mwaa.

Maliko 1:31

UYeesu ahamupalamila umuvhinu, ahamulema inyoovhe yaakwe, inzegema yihapona, ahamuvhuusya. Woope ahataliha kuvhavhombela.

Maliko 1:41

UYeesu ahamufwila uvhwila, ahagolosya inyoovhe yaakwe nu kumupalamansya, ahati, “Nkwanza uzelupe!”

Maliko 11:23

Nalyoli nkuvhavhuuzya kuuti, umuntu wonti inga alivhuuzya igamba ili ati, ‘Kumpuuha ipa, uyisumbe mwa sumbi muula,’ inga atali na maganigani mu mwoyo waakwe, ileelo akwitiha kuuti nalyoli zye akulaavha zikuvhombeha, zilivhombeha.

Maliko 16:7

Ishi sogooli, mumuvhuuzye uPeeteli na vhasundikwa avhamwavho vhonti, muti avhalongoleeye kusogola ku Galilaaya. Ukwo kwe kwe mumulole, inza vwe ávhavhuziizye.”

Maliko 4:40

UYeesu ahavhavhuuzya avhasundikwa vhaakwe ahati, “Shooni she mukwogopa? Mutali nu lwitiho niishi?”

Maliko 5:41

Ahamulema inyoovhe umulindu, ahati, “Taalita kuumi,” kwe kuuti, “Mulindu, nkukuvhuuzya, damuula.”

uLuuka 24:34

vhahavhavhuuzya vhavhili ivho vhahati, “Nalyoli uMwene wiitu uYeesu azyusile! Amulolesheeye uSiimoni!”

iMbombo izya Vhatumwa 4:30

Lwe tukulumbiilila, ulolesyaje amaha gaaho aga kuvhaponia avhavhinu nu kuvhomba ivilolesyo ni zya kusukumizya kutuushila kwi izina ilya Yeesu umuvhomvi waaho umufinjile.”

1 Timoti 2:8

Ishi, ponti pe muvhungiine kupuuta, nkwanza avhanaavuli vhavhusyaje inyoovhe zyavho zye zizelufile kumulaavha uMulungu ku mwoyo umwinza ishisita umulaha na madali.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.