Matayi 14:19 - ULufingwi uLupwa

¹⁹ Pe ahavhalajizya avhantu ivho kuuti vhatendame pa masole. Ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya, ahaavhapa avhasundikwa vhaakwe, vhoope vhahavhagavhila avhantu ivho.

Tesitamenti Umupwa 1965

¹⁹ Ahati: Avantu vatendame ponti pisole. Pʼahasenda nage makati gasanu ganaga nazye nswi zivili, ahenya kumwanya ahaputa. Pʼahamensulanyʼamakati, ahavapʼavasundikwa vakwe, avenʼavasundikwa ve vahavapʼavantu.

Matayi 14:19 ပူးပေါင်းရင်းမြစ်များ

Matayi 14:18

UYeesu ahavhavhuuzya ahati, “Ndeeteli vwenevwo ipa.”

Maliko 6:39

Ahavhavhuuzya kuuti, vhavhatendamishe vhonti mu mpuga pa masole.

Maliko 6:41

UYeesu ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya amakaati igo, ahaavhapa avhasundikwa, inga vhavhagavhile avhantu ivho. Zyope inswi zivhili izyo ahavhagavhila vhonti.

Maliko 7:34

Aheenya kumwanya, ahiima nu vhuvhaavi mu mwoyo waakwe ahati, “Efaata,” kwe kuuti, “Yiguuha.”

uLuuka 22:17

Pe uYeesu ahanyatula ulupindi, ahamusalifwa uMulungu, ahati, “Nyatuuli, mumwele mwenti!

uLuuka 22:19

Pe ahanyatula ikaati ahamusalifwa uMulungu, ahalimensula, ahayanga ahati, “Uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”

uLuuka 24:30

Lwe vhatendama pooka kulya ishaakulya, uYeesu ahanyatula ikaati, ahamusalifwa uMulungu, ahamensula, ahaavhapa.

uLuuka 9:14

Avhantu vhe vháamile paala, avhanaavuli vheeka vháali 5,000 ishi. Ileelo uYeesu ahavhavhuuzya avhasundikwa vhaakwe ahati, “Vhatendamishe avhantu mu mpuga izya vhantu amashumi gasaano gasaano.”

uLuuka 9:16

Pe uYeesu ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya amakaati igo, ahaavhapa avhasundikwa vhaakwe, inga vhavhagavhile avhantu ivho.

Yohani 11:41

Pe avhantu vhe vháliipo paala, vhahalyefwa ivhwe liila lye lyáli pa mulyango. UYeesu aheenya ku mwanya, ahalaavha kwa Mulungu ahati, “We Taata, nkukusalifwa, mwe pe watejeelezya impuuto zyane.

Yohani 6:23

Pe avhantu avhamwavho vhahinza na mavhooti aganji kufuma mu nkaaya iya Tibeeliya, vhahafiha pe impuga iya vhantu vhahalyanga amakaati, lwe uMwene uYeesu amusalifwa uMulungu.

iMbombo izya Vhatumwa 27:35

Lwe uPaavhuli aamala kuyanga izyo, ahanyatula ikaati, ahamusalifwa uMulungu pilongolela ilya vhantu vhonti vhaala, ahamensula, ahataliha kulya.

VaLoma 14:6

Umuntu we akulishindiha nkaani isiku limo kuluusya izinji, akuvhomba vhwevhulo kumuhondezya uMwene uYeesu. Woope we akulya ivintu vwonti, akuvhomba vhwevhulo kumuhondezya uMwene, mwe pe akumusalifwa uMulungu. Woope we akulya zye nyanyi izya matundu akuvhomba vhwevhulo kumuhondezya uMwene uYeesu, woope akumusalifwa uMulungu.

1 VaKolinti 10:16

Ishi, lwe tukumusalifwa uMulungu ku zya lupindi luula lwe tukumwelela ahavhaliilizyo aha shaakulya isha Mwene, vhuli, tutakuvha nu vhuliilani nu Chilisiti mu mavhanda gaakwe? Havhili lwe tukumensula ikaati nu kulya, tutakuvha nu vhuliilani nu muvhili uwa Chilisiti?

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 11:24

ahamusalifwa uMulungu, ahalimensula, ahayanga ahati, “Nyatuuli mulye, uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.