Matayi 14:13 - ULufingwi uLupwa

¹³ Lwe uYeesu ayiivwa zyonti izyo, aheepa paala ni ivhooti, ahasogola kukwilu kwe kutáamile avhantu. Ileelo lwe ivhungaana ilya vhantu lyamanya, lihamulandata ulwa pansi kufuma mu nkaaya nu kusogola kwe áamile.

Tesitamenti Umupwa 1965

¹³ UwenʼuYesu lwʼayiṿuye zinizi, pʼahavala mwivoti ahayeleleha mulwugwa. Avenʼavantu lwe viṿuye pe vahamulandata niṿinama, vahafuma munkaya zyavo mwonti.

Matayi 14:13 ပူးပေါင်းရင်းမြစ်များ

Matayi 10:23

Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Matayi 12:15

Lwe uYeesu aamanya kuuti aVhafalisaayi vhakupanzanya izya kumugoga, aheepa paala. Pe avhantu ivhungaana ipiti vhahamulandata, woope ahavhaponia vhonti vhe vháamile na mavhinu.

Matayi 14:12

Pe avhasundikwa avha Yoohani vhahasogola kushinyatula ishaala nu kushisyila. Pisinda, vhahasogola kumuvhuuzya uYeesu zyonti zye zyáfumiiye.

Maliko 1:35

Indaavhi yaakwe inzanshi lwe kushiili kusha uYeesu ahadaamula, aheepa mu nyumba, ahasogola pe patáali avhantu kulaavha.

uLuuka 4:42

Indaavhi yaakwe lwe kwasha, uYeesu aheepa mu nkaaya yiila, ahasogola pamo pe patáali avhantu. Ivhungaana ilya vhantu lihanda kumulondola, lihafiha pe áamile. Lwe lyamulola, lihalinga kumudinda kuuti ataheepe mu nkaaya yaavho.