Matayi 13:55 - ULufingwi uLupwa

⁵⁵ Uno te mwana wa selemaala? Unyina te wu Maliiya? Havhili avhanine vhaakwe te vhe vha Yaakobu nu Yoosefu nu Siimoni nu Yuuda?

Tesitamenti Umupwa 1965

⁵⁵ Amwe wuyo ate mwana wa selemala? Amwe ate wʼunyina uMaliya izina? Avanine amwe vate ve vaYakobu nuYosefu nuSimoni nuYuda?

Matayi 13:55 ပူးပေါင်းရင်းမြစ်များ

Matayi 27:56

Muli ivho, áliipo uMaliiya uwa mu nkaaya iya Magidaala nu Maliiya unyina uwa vha Yaakobu nu Yoosefu nu nyina uwa vhaana vha Zebedaayi.

Maliko 15:40

Kwáli avhantanda vhe vhahenyaaga ukutali, áliipo uMaliiya uwa ku Magidaala nu Saloome nu Maliiya unyina wa Yoose umuzuuna uwa Yaakobu.

Maliko 15:47

Woope uMaliiya uwa ku Magidaala nu Maliiya unyina wa Yoose vhahalola pe áshisyiliiye ishaala isha Yeesu.

Maliko 6:3

Uno te wu selemaala, umwana wa Maliiya? Havhili avhanine vhaakwe te vhe vha Yaakobu nu Yoose nu Yuuda nu Siimoni? Vhuli, avhanine avhalindu vhataliipo pa mwitu panaapa?” Vhahaviitwa nkaani nu kuhaana kumwitiha.

uLuuka 1:27

Ahasogola kwa mulindu wumo we izina lyakwe vhahatinji uMaliiya. Umulindu uyo atámumanyile umwanaavuli. UMaliiya ázinjiliilwe nu Yoosefu uwa mu luho ulwa mwene uDaavhudi.

uLuuka 24:10

Avhantanda ivho vháali vhe vhano: uMaliiya uwa ku Magidaala nu Yowaana, nu Maliiya umaayi uwa Yaakobu, pooka na vhantanda avhanji vhe vháamile pooka navho.

uLuuka 3:23

UYeesu lwe akwanda imbombo yaakwe, áamile na maaha 30 ishi. Avhantu vhahasiivhaga kuuti áamile mwana wa Yoosefu. UYoosefu áamile mwana wa Eeli,

uLuuka 4:22

Vhonti vhahamutiima nkaani, vhahasukumila ku mazwi aga vhuloote ge áyanzile, vhahati, “Uno te mwana wa Yoosefu?”

uLuuka 8:20

Pe vhamo vhahamuvhuuzya uYeesu vhahati, “Umaayi waaho na vhanine vhaaho vhimiliiye panzi vhakukwanza.”

Yohani 19:25

Yeenya, kwáli avhantanda vhane vhe vhímiliiye papiipi ni shihovhenkanyo isha Yeesu. Mu vhantanda ivho kwáli unyina wa Yeesu, nu nyina umunsi uwa Yeesu nu Maliiya umushi wa Kileyoopa nu Maliiya uwa ku Magidaala.

Yohani 6:42

Vhahavhuzilizanya vhuuvho vheeka vhahati, “Vhuli, umuntu uno te wu Yeesu, umwana wa Yoosefu we tuvhamanyile na vhapaafi vhaakwe vhonti? Ishi angayanga inza vhuli kuuti, afumile ku mwanya?”

Yohani 9:29

Tumanyile kuuti uMulungu áyanzile nu Moose, ileelo umuntu uyo tutamanyile kwe afumile.”

VaGalati 1:19

Ileelo ntávhavhwenyi avhatumwa avhanji, nkandi we Yaakobu umunine uwa Mwene uYeesu.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.