Matayi 13:52 - ULufingwi uLupwa

⁵² Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

Tesitamenti Umupwa 1965

⁵² Uwenʼahavavuzya ahati: Mwe mumwo vontʼavamanyakalata venga vayipezilʼukuva vasundikwa va vumwene vwa kumwanya, vali fwe muhatankaya wʼakuṿumbula nimpwa ninkali mwʼavisilʼishuma shakwe.

Matayi 13:52 ပူးပေါင်းရင်းမြစ်များ

Matayi 12:35

Umuntu umwinza akuyanga nu kuvhomba inyinza, zye zikufuma mu mwoyo waakwe umwinza. Woope umuntu umuvhiivhi akuyanga nu kuvhomba imbiivhi, zye zikufuma mu mwoyo waakwe umuvhiivhi.

Matayi 13:51

UYeesu ahavhavhuziilizya avhasundikwa vhaakwe ahati, “Vhuli, mwazimanyinsanya zyonti izi zye navhavhuuzya?” Vhahamwamula vhahati, “Twazimanyinsanya.”

Matayi 13:53

Lwe uYeesu aamala kuyanga iviholanyo ivwo, aheepa paala.

Matayi 23:34

Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

uLuuka 11:49

“Izyo zye zyámuvhiisile uMulungu kuuti ayanje ku vhushindamu vhwakwe uvhwa njeele ati, ‘Ndivhasonteelezya avhakuvhwi na vhatumwa ku kwavho, ileelo vhamo vhalivhagoga na vhamwavho vhalivhayimvwa.’

Yohani 13:34

Ileelo ishi nkuuvhapa indajizyo impwa, nkuvhalajizya kuuti, ‘Mukundanaje. Inza vwe ine mbakunzite imwe, niimwe mukundanaje inza vhwevhulo.’

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

VaEfeso 3:4

Inga mwavhaazya zye mbasimbiiye izyo, kwe mulole vwe imanyile ulukasamo ulwa vhuzigizigi kuzya Chilisiti.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

Kolosi 1:7

Mwásambiliiye Izwi iLyinza ilyo kufuma kwa Epaafula. Uweene, muvhomvi wamwitu unkundwa, akuvhavhombela imwe kwa Chilisiti ku vhutungamu.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

1 Timoti 3:6

Atahaavhe muntu we ayinjiiye shiniishi mu lwitiho, inga atahinze ayitumvwe nu kugwila mu vhutalamalandu. Pe alongwe inza vwe uMukwalanzi woope álonziilwe.

uTiiti 1:9

Havhili akwanzilwa kuuti avhanje muntu we akugalema amazwi aga nalyoli, inza vwe asambiliiye, inga avhagomwaje avhanji ku nsambiilizyo izya nalyoli nu kuvhapoota vhe vhakuzidindanjizya.