Matayi 13:30 - ULufingwi uLupwa

³⁰ Muleshe vwonti vikule pooka, kufishila ahavhaliilizyo aha kuvuna. Ahavhaliilizyo iho, ndivhavhuuzya vhe vhakuvuna kuuti vhalundishe suuti indezye nu kuzipinya zivhe nsunzo, inga vhazipembe. Ileelo ingana vhayilundishe nu kuyisengula mu shanga shaane.’”

Tesitamenti Umupwa 1965

³⁰ Simuleshe zikulile poka zye zivili, zihafishe pamṿuno. Apene pamṿuno lelo pe ndiva-vuzyʼavaṿuni nditi: Simusagule suti zye ndezye, mupinyʼutusunzo, muzipembe mumwoto. Iyenʼingana nyene ye musezezyaje mumulaza wane.

Matayi 13:30 ပူးပေါင်းရင်းမြစ်များ

Matayi 13:25

Ileelo lwe avhantu vhonti vhakaasite, umulugu waakwe ahinza kupesa indezye mu ngana, pisinda aheepa.

Matayi 13:29

Ahati, ‘Ndaali, lwe mukusaagula indezye, mungasagulila pooka ni ngana.

Matayi 25:32

Avhantu kufuma mu nsi zyonti vhalivhungaana pilongolela lyane. Niine ndivhasavhulanya inza vwe umudiimi akuzisavhulanya ingʼonzi ni mbuzi.

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 3:12

Uweene ayisengiinye kuvhasavhulanya avhagolosu na vhatalamalandu inza umuntu we alemile ulupe, inga apemente ingana pa luvhuga. Kuluzelufwa uluvhuga, aliyivhungaaniha ingana yaakwe nu kuyivhiiha mu shanga, ileelo ilyelelo na mahambili alivipemba mu mwoto we wutakuzima.”

uLuuka 3:17

Uweene ayisengiinye kuvhasavhulanya avhagolosu na vhatalamalandu inza umuntu we alemile ulupe, inga apemente ingana pa luvhuga. Kuluzelufwa uluvhuga, aliyivhungaaniha ingana nu kuyivhiiha mu shanga shaakwe, ileelo ilyelelo na mahambili alivipemba mu mwoto we wutakuzima.”

Yohani 15:6

Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

1 Timoti 5:24

Uvhutalamalandu uvhwa vhantu vhamo vhuli apazelu, vhuliloleha she vhashiili kufiha mwi ilonjelwi, ileelo uvhutalamalandu uvhwa vhamo vhuzyihiime, vhuliloleha pisinda.