Matayi 13:21 - ULufingwi uLupwa

²¹ Ileelo, mwe pe amazi muhati yaakwe gatiisile pansi nkaani, izwi ilyo likutendama ku havhaliilizyo hansi vhweleele. Amayimba poosye amalavha inga gamwaga kuzya izwi ilya Mulungu, naluvhiilo akulileha.

Tesitamenti Umupwa 1965

²¹ nkandʼamazi gʼate nago, wʼakusimpʼisiku lyoka vwelele. Lwʼayazilʼizwi likumu-pʼukuyimṿilwa nukuṿwimwa shʼali nalyo, pʼatakuhavʼukugalamuha zyenezyo.

Matayi 13:21 ပူးပေါင်းရင်းမြစ်များ

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 11:6

Alosiitwe umuntu we akuniitiha ine ishisita amaganigani.”

Matayi 13:20

Imbeyu zye zyágwiliiye pansi pi iyalaawe shiholanyo isha vhantu vhe vhakwivwa izwi ilya Mulungu nu kuliposheela naluvhiilo ku luseshelo.

Matayi 13:57

Vhahaviitwa nkaani nu kuhaana kumwitiha. Ileelo uYeesu ahavhavhuuzya ahati, “Umukuvhwi akushindikwa ukunji kwonti, ileelo ku mwavho, na ku vhantu avha mu nyumba yaakwe atakushindikwa.”

Matayi 13:6

Ileelo lwe ahasanya haalama, imbeyu izyo zihafwoha nu kwuma, mwe pe amazi gaakwe gatíisile pansi nkaani.

Matayi 24:13

Ileelo we alijimbiilila kufishila ku vhusililishilo, we aliipokwa.

Matayi 26:31

Pe uYeesu ahavhavhuuzya avhasundikwa vhaakwe ahati, “Uvhusiku uvhwa ileelo imwe mwenti kwe munshimbile nu kundeha. Nkuyanga vhwevhulo, mwe pe yisimviilwe mu Vhusimbe uVhufinjile kuuti, ‘Ndimuhoma umudiimi, ni ngʼonzi izya mu mpuga iyo zilisaata.’

Matayi 26:33

Ileelo uPeeteli ahati, “Poosye inga vhakukuleha vhonti, ine te nkuleshe inga hansi.”

Maliko 4:17

Ileelo, mwe pe amazi muhati yaakwe gatiisile pansi nkaani, izwi ilyo likutendama ku havhaliilizyo hansi vhweleele. Amayimba, poosye amalavha inga gamwaga kuzya izwi ilya Mulungu, naluvhiilo akulileha.

uLuuka 8:13

Imbeyu zye zyágwiliiye pansi pi iyalaawe, shiholanyo isha vhantu vhe vhakwivwa izwi ilya Mulungu nu kuliposheela ku luseshelo. Ileelo vhakupootwa kusimpa, vhakuvha inza ikwi lye litisiizye amazi pansi. Pe vhakwitiha ku havhaliilizyo hansi vhweleele, inga vhalingwa vhakululeha ulwitiho.

Yohani 6:26

UYeesu ahavhaamula ahati, “Nalyoli nkuvhavhuuzya kuuti, te kuuti mukundondola, mwe pe mwaavhwenyi ivilolesyo vwe naavhomvile, nkandi, mwe pe naavhapiiye amakaati, mwalya nu kwikuta.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaGalati 6:12

Vhe vhakuvhavijiilizya imwe kutahiililwa, vhakuvhomba vhwevhulo, mwe pe vhakwanza kushindikwa na Vhayuuda, ku ziila zye zikuvhombwa mu muvhili. Vhakuvhomba vhwevhulo, inga gatahavhaaje amayimba ge gakufumiilana nu kulumbiilila uvhwanalyoli uvhwa shihovhenkanyo isha Chilisiti.

VaGalati 6:15

Kutahiililwa, poosye kuvha ishisita kutahiililwa, vwonti vitali nu vhumwamu naavhumo, she shili nu vhumwamu, kwe kupelwa vhupwa nu Mulungu.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

Filipi 1:6

Ishi nkuhomeshezya kuuti, nalyoli uMulungu we ahataliha imbombo inyinza iya vhuposhi mu mooyo giinyu, kwe ajendeelele kuyimala kufishila isiku lye uYeesu Chilisiti aligaluha.

2 Timoti 1:15

Iwe umanyile kuuti avhamwitu avha mu nsi iya Aasiya vhandesile. Muli ivho aliipo uFugeelo nu Helimogeene.

2 Timoti 4:10

UDeema andesile, mwe pe akuzisungwa izya mu nsi, asogooye mu nkaaya iya Tesaloniiki. UKileesike asogooye mu shigavho isha nsi isha Galaatiya nu Tiiti asogooye mu shigavho isha nsi isha Dalimatiya.

Yakobu 3:2

Iswe swenti tukupuvha ku madala aminji. Inga kuli umuntu we atakupuvha kuyanga kwakwe, uyo mulunjisu, uyo we ali na maha aga kuyidinda uvhupuvi uvhwa muvhili waakwe wonti.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.