Matayi 13:19 - ULufingwi uLupwa

¹⁹ Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

Tesitamenti Umupwa 1965

¹⁹ Uno wengʼakutejelezyʼizwi lya vumwene, ingʼatakulimanyinsanya, akwinzʼumunyala akusompola huho he hapesilwe mumwoyo wakwe. Uno lelo ye yiyo ye yapesilwe mwidala.

Matayi 13:19 ပူးပေါင်းရင်းမြစ်များ

Matayi 12:26

Woope uSeetano inga akumushimbizya uSeetano, uvhumwene vhwakwe vhukunanjiha. Pe ishi, uvhumwene vhwakwe vhungajendeelela vhuli?

Matayi 13:20

Imbeyu zye zyágwiliiye pansi pi iyalaawe shiholanyo isha vhantu vhe vhakwivwa izwi ilya Mulungu nu kuliposheela naluvhiilo ku luseshelo.

Matayi 13:38

Umugunda ula, insi, imbeyu inyinza, vhaana vha vhumwene uvhwa Mulungu, ni ndezye, vhaana vha Muvhiivhi ula.

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Matayi 5:37

Inga mukwitiha ishintu, mutinji, ‘Eena’ vhweleele, poosye inga mukuhaana, mutinji, ‘Ndaali’ vhweleele. Zyonti zye zikwonjela muli izyo, zikufuma kwa Muvhiivhi ula.”

Maliko 4:15

Imbeyu zye zyágwiliiye pa luvhazu pi idala, lizwi lye avhantu vhakulyivwa, ileelo naluvhiilo uSeetano akwefwa izwi ilyo kufuma mu mooyo gaavho.

uLuuka 10:9

Muvhaponiaje avhavhinu vhe vhali mu nkaaya iyo. Muvhavhuzyaje avhantu vhonti kuuti, ‘Uvhumwene uvhwa Mulungu vhupalamiiye kuli imwe!’

uLuuka 9:2

Pe ahavhasonteelezya kukumusya izwi ilya vhumwene uvhwa Mulungu nu kuvhaponia avhavhinu.

Yohani 18:38

UPilaato ahamuvhuziilizya ahati, “Uvhwanalyoli she shintu vhuli?” Lwe uPilaato ayanga izyo, ahafuma havhili panzi, ahavhavhuuzya avhalongozi avha Vhayuuda ahati, “Ine ntavhulola uvhunanzi naavhumo kufuma kwa muntu uno.

Yohani 8:43

Shooni she mutakuzimanyinsanya zye nkuyanga? Mutakuzimanyinsanya, mwe pe mutakwitiha zye nkuvhasambiilizya.

iMbombo izya Vhatumwa 17:32

Avhantu avha mu lukuvhato ulwo, lwe vhiivwa vwe uPaavhuli ayanga izya kuzyuha, vhamo vhahanda kumujevhula. Ileelo vhamo vhahamuvhuuzya vhahati, “Tukwanza kutejeelezya havhili inongwa izyo.”

iMbombo izya Vhatumwa 18:15

Ileelo, mwe pe mukudalinkana izya mazwi na mazina ni ndajizyo zyinyu, mwamule mweneemwe. Ine ntakwanza kuvha ne mulonzi uwa izyo.”

iMbombo izya Vhatumwa 20:25

“Natuuhaga uku nuukwo kuvhakumusizya imwe mwenti izya vhumwene uvhwa Mulungu. Ileelo ishi tejeelezyi, ine imanyile kuuti, te muhandole havhili naalumo.

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 2:8

Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

2 VaTesaloniki 2:12

Ipo vhonti vhe vhatakwitiha uvhwanalyoli, ileelo vhakusesheelela uvhutalamalandu, vhalilongwa.

VaHebuli 2:1

Pe ishi, ziila zye tuzyivuuye, tukwanzilwa kuzilema, inga tutahinze tuzileshe nu kuzilandata izinji zye zitakwanzilwa.

1 Yohani 3:12

Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.

1 Yohani 5:18

Tumanyile kuuti umuntu wonti we mwana wa Mulungu, atakuvheelela kuvhomba uvhutalamalandu, mwe pe uMwana wa Mulungu akumuguulila. UMuvhiivhi ula uSeetano atangamuvhomba naashimo.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.