Matayi 13:17 - ULufingwi uLupwa

¹⁷ Nalyoli nkuvhavhuuzya kuuti, vháliipo avhakuvhwi avhinji na vhantu avhinji avhagolosu vhe vhányonyiilwe kuzilola zye mukuzilola imwe, ileelo vhatázivhwenyi. Havhili vhahanzaga kuzyivwa zye mukuzyivwa imwe, ileelo vhatázyivuuye.”

Tesitamenti Umupwa 1965

¹⁷ She nkuvavuzyʼine nalyoli nkuti: Navakuvwi navagolosu ve vinji vahasungwaga ukwenya zizyo zye mukwenyʼimwe, vahapotwʼukuzyenya nakumo, vahati twiṿwaje zizyo zye mukuzyiṿwʼimwe, vahapotwʼukuzyiṿwa nakumo.

Matayi 13:17 ပူးပေါင်းရင်းမြစ်များ

uLuuka 10:23

Pe uYeesu ahagalunkana, ahavheenya avhasundikwa vhaakwe, ahavhavhuuzya ahati, “Mulosiitwe imwe mwe mukuzilola izi!

uLuuka 10:24

Nalyoli nkuvhavhuuzya kuuti, vháliipo avhakuvhwi avhinji na vhamwene vhe vhahanzaga kuzilola zye mukuzilola imwe, ileelo vhatázivhwenyi. Havhili vhahanzaga kuzyivwa zye mukuzyivwa imwe, ileelo vhatázyivuuye.”

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.