Matayi 13:11 - ULufingwi uLupwa

¹¹ Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Tesitamenti Umupwa 1965

¹¹ Uwene ahavavuzya ahati: Shʼimwe mupelilwe ukuzimanyinsanya izya kukwilu zya vumwene vwa kumwanya, avene vala nyene ve vatapelilwe.

Matayi 13:11 ပူးပေါင်းရင်းမြစ်များ

Matayi 13:10

Avhasundikwa avha Yeesu vhahinza, vhahamuvhuziilizya vhahati, “Shooni she ukuyanga na vhantu ku viholanyo?”

Matayi 16:17

UYeesu ahamwamula ahati, “Ulosiitwe iwe Siimoni we mwana wa Yoona, mwe pe izi te muntu we akulolesiizye, nkandi wu Taata waane uwa ku mwanya.

Matayi 19:11

UYeesu ahavhaamula ahati, “Te vhonti vhe vhangaliposheela izwi ili, nkandi vhevhaala vhe uMulungu avhapiiye amaha aga kuliposheela.

Matayi 20:23

UYeesu ahavhavhuuzya ahati, “Nalyoli kwe muyimbe inza vwe nkusogola kuyimba. Ileelo kutendama ku luvhazu lwane ulwa kundiilo, poosye ulwa kumongo te mbombo yaane kuvhitishila. Uvhuzilo uvhwo vhwa vhaala vhe uTaata waane avhasenganiziinye nziila.”

Maliko 10:40

Ileelo kutendama ku luvhazu lwane ulwa kundiilo, poosye lwa kumongo, te mbombo yaane kuvhitishila. Uvhuzilo uvhwo, vhwa vhaala vhe vhavhasenganiziinye nziila.”

Maliko 4:11

Uweene ahavhavhuuzya ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avhanji nkuvhasambiilizya ku viholanyo, inga

uLuuka 8:10

Ahavhavhuuzya ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avhanji nkuvhasambiilizya ku viholanyo, inga ‘vhenyaaje, zye nkuvhomba, ileelo vhatazilolaje. Havhili vhatejelezyaje zye nkuyanga, ileelo vhatazimanyinsanyaaje.’

Yohani 6:65

Pe ahajendeelela kuyanga kuuti, “Ino ye nongwa nkuvhavhuuzya kuuti, ataliipo umuntu we anginza ku kwane inga uTaata waane atamulongooye.”

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

iMbombo izya Vhatumwa 16:14

Mu vhe vhahatutejelezyaga, áliipo umwantanda wumo we vhahatinji uLiidiya, áali wa mu nkaaya iya Tiyatiila. Uyo atáali Muyuuda ileelo ahamunyilaga uMulungu. Ahavhombaga imbombo iya kukazya amenda aga muhoola uwa mafwomfwo. UMwene uYeesu ahawiigula umwoyo waakwe, ahagaposheela amazwi ge uPaavhuli ahayangaga.

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 13:2

Havhili poosye inga indi ni shikunjilwa isha vhukuvhwi nu kumanyinsanya zyonti zye zili kukwilu nu vhumanyi vhwonti, poosye inga indi nu lwitiho ulupiti ulwa kusaamwa amagamba, ileelo inga ntali ni shikunzi, ntakuvha ni ilonka naalimo.

1 VaKolinti 15:51

Tejeelezyi, ishi nkuvhavhuuzya izya vhuzigizigi. Iswe tutaliifwa swenti, ileelo swenti tuligalunkana

1 VaKolinti 2:14

Ileelo umuntu we atali nu Mupepo uwa Mulungu, atangaposheela zye zikufuma kwa Mupepo uwa Mulungu. Umuntu uyo ku kwakwe izyo zya vhwalangani, havhili atangazimanya, mwe pe umuntu akuzimanya izyo ku lwavwo ulwa Mupepo uwa Mulungu weeka.

1 VaKolinti 2:7

Nkandi uvhushindamu uvhwa njeele uvhu, vhukufuma kwa Mulungu, havhili vhwáli vhwa vhuzigizigi, kwe kuuti vhutávhisiilwe apazelu ku vhantu. UMulungu ávhuvhatisile uvhushindamu uvhwo lwe insi yishiili kupelwa, inga niiswe tuvhe nu vhuliilani nawo mu vhushindamu vhwakwe.

1 VaKolinti 4:1

Avhantu vhatumanyaje iswe kuuti, twe vhavhomvi avha Chilisiti, havhili twe vhimiilizi avha ntumi iya Mulungu iya vhuzigizigi.

1 VaKolinti 4:7

Vhuli, wu naanu, we akuvhiisile uyilole kuuti, uhondeeye nkaani kuluusya avhanji? Shintu vhuli she uli nasho she uMulungu atakupiiye? Ileelo inga akupiiye, shooni she ukuyitumvwa ngati atakupiiye?

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 5:32

Amazwi iga gali nu vhuzigizigi uvhupiti, ileelo ine nkuyanga kuuti gakulolesya izya Chilisiti ni shivhanza.

VaEfeso 6:19

Niine vhuulo, mundavhilaje kuuti uMulungu ampe amazwi aga kuyanga, inga mbuvumbule uvhuzigizigi uvhwa Izwi iLyinza ku vhudandamazu.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

1 Timoti 3:9

Vhavhanje vhantu vhe vhakulema uvhwanalyoli uvhwa lwitiho lwitu ku mwoyo umuzelu.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

1 Yohani 2:20

Ileelo imwe uMulungu avhapiiye uMupepo uMufinjile, ye nongwa mwenti muvhumanyile uvhwanalyoli.

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.