Matayi 12:45 - ULufingwi uLupwa

⁴⁵ pe yikusogola kuzileeta impepo izyamwavho 7 zye nkandamanu kuluusya iyeene. Impepo zyonti izyo zikwinjila mwa muntu uyo, nu kutendama munuumwo. Pe umuntu uyo akuvha havhiivhi nkaani kuluusya ku vhwandilo. Vhwevhulo, vwe ziliivha na ku vhantu avhavhiivhi avha havhaliilizyo iha.”

Tesitamenti Umupwa 1965

⁴⁵ Ilelo pʼijende nukuvuhʼukusendʼizyamwavo impepo zisanu nazivili indusyʼimbivi nakukwakwe. Ilelo lwe zyinjiye pe zikuva mumwo, ilelo pʼumuntʼuno ulwa pisinda shinishi, pʼahalambane apitilizyaje nakuzya zila. She valihonzya vovulo avantu avanyala va shinishʼiva.

Matayi 12:45 ပူးပေါင်းရင်းမြစ်များ

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 12:44

Pe yikuti, ‘Kwe ngalushe mu nyumba yaane ye naafumile.’ Inga yaafiha, nu kumulola umuntu uyo ali ngati nyumba ye yitali naashimo, ye vhuusile nu kuyiyemvwa ahinza,

Matayi 17:21

Pooka niizyo, impepo inza iyo mutangayifumwa, nkandi kwi idala ilya kumulaavha uMulungu nu kuyiima kulya.”

Matayi 23:15

“Mwasheela imwe mwe vhasambiilizi avha ndajizyo izya Moose, niimwe mwe Vhafalisaayi, mwe vhashifumbo imwe! Mukuzyunguula nkaani mu nsi inyuumu nu kulamba usumbi kumulondola umuntu kuuti ayinjile mu shipuuto isha Vhayuuda. Ileelo inga ayinjila, pe mukumuteezya nkaani nu kumuvhiiha kuvha wa mwi ipalaazya ilya mwoto kuvhaluusya imwe.

Matayi 23:24

Mwe vhalongozi avhantonko imwe! Mukwambula utusanzi mu vintu vwe mukumwela ileelo mukumila ingamila!

Maliko 16:9

Lwe azyuha inzanshi Pamulungu, uYeesu ahamuloleshela ulwa kwanda uMaliiya uwa ku Magidaala we ámwefwizye impepo inkandamanu 7.

Maliko 5:9

UYeesu ahamuvhuziilizya ahati, “Izina lyaho we naanu?” Ahamwamula ahati, “Izina lyane ne Mpuga, mwe pe swe vhinji.”

uLuuka 11:26

pe yikusogola kuzileeta impepo izyamwavho 7 zye nkandamanu kuluusya iyeene. Impepo zyonti izyo zikwinjila mwa muntu uyo, nu kutendama munuumwo, pe umuntu uyo akuvha havhiivhi nkaani, kuluusya ku vhwandilo.”

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

VaHebuli 10:39

Ileelo iswe tutali inza avhantu ivho vhe vhakusisinta nu kuteega, nkandi tuli pooka na vhaala vhe vhakumwitiha. Kwi idala ilyo, tupokwilwe.