Matayi 12:28 - ULufingwi uLupwa

²⁸ Ileelo ine inga nkushimbizya impepo inkandamanu ku maha aga Mupepo uwa Mulungu, pe uvhumwene uvhwa Mulungu vhwinzile kuli imwe.

Tesitamenti Umupwa 1965

²⁸ Apene nyene ingʼimpepʼimbivi nkuzivinjila mwa Mupepo wa Mulungu ine, pe fwane lelʼuvumwene vwa Mulungu vuvafishiyʼimwe.

Matayi 12:28 ပူးပေါင်းရင်းမြစ်များ

Matayi 12:18

“Yeenya, uno muvhomvi waane we musavhuuye, uNkundwa waane we umwoyo waane wukuhondezelwa nawo. Ndiimupa uMupepo waane, woope alikumusya uvhwanalyoli ku vhe te Vhayuuda.

Matayi 12:29

Wu naanu we anginjila mu nyumba iya muntu uwa maha nu kupumula ivintu vwakwe ishisita kumukunga suuti? Ileelo inga amukunga suuti umuntu uwa maha uyo, pe angapumula vwe vili mu nyumba yaakwe.

Matayi 21:31

Vhuli, muli ivho vhavhili, wu naanu we ávhomvile inza vwe uyise ahanzaga?” Vhahamwamula vhahati, “We wula umutanzi.” Pe uYeesu ahavhavhuuzya ahati, “Nalyoli nkuvhavhuuzya kuuti, avhasonchezya musonko na vhamalaaya vhalivhalongolela kwinjila mu vhumwene uvhwa Mulungu.

Matayi 21:43

UYeesu ahajendeelela kuyanga ahati, “Nkuvhavhuuzya kuuti, uMulungu aliyeefwa uvhumwene vhwakwe kuli imwe nu kuuvhapa avhantu avhanji vhe vhakuvhomba ahinza mu mugunda waakwe, inga wupaape amantonongwa.

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

Maliko 1:15

Ahati, “Ahavhaliilizyo aha vhumwene uvhwa Mulungu haafiha nu vhumwene uvhwa Mulungu vhupalamiiye! Mupindushe, mulyitishe Izwi iLyinza ilya Mulungu.”

Maliko 11:10

Vhulosiitwe uvhumwene uvhwa taata wiitu uDaavhudi vhwe vhukwinza. Ashindikwaje uMulungu uMupiti uwa ku Mwanya!”

Maliko 16:17

Ivilolesyo ivi, kwe vivhombwaje na vhantu vhe vhakuniitiha. Kwe vhefwaje impepo inkandamanu kwi izina lyane, havhili kwe vhayangaje injango injeni.

uLuuka 10:11

‘Poosye ulusuuto ulwa mu nkaaya yiinyu lwe luli mu vinama vwitu, tukupuupula, inga vhuvhe vhwe vhwahoome uvhwa kuvhasoha. Ileelo mumanye kuuti uvhumwene uvhwa Mulungu vhupalamiiye!’

uLuuka 11:20

Ileelo ine, inga nkushimbizya impepo inkandamanu ku maha aga Mulungu, pe uvhumwene uvhwa Mulungu vhwinzile kuli imwe!

uLuuka 16:16

“Indajizyo izya Moose nu vhusimbe uvhwa vhakuvhwi vwávhalongooye avhantu kufishila ahavhaliilizyo aha Yoohani uMwozyi. Kufuma ahavhaliilizyo iho, Izwi iLyinza ilya vhumwene uvhwa Mulungu likulumbiililwa, avhantu avhinji vhakuyifumwa nkaani kwinjila mu vhumwene uvhwo.

uLuuka 9:2

Pe ahavhasonteelezya kukumusya izwi ilya vhumwene uvhwa Mulungu nu kuvhaponia avhavhinu.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.