Matayi 12:26 - ULufingwi uLupwa

²⁶ Woope uSeetano inga akumushimbizya uSeetano, uvhumwene vhwakwe vhukunanjiha. Pe ishi, uvhumwene vhwakwe vhungajendeelela vhuli?

Tesitamenti Umupwa 1965

²⁶ Wope nuSetano ingʼakumuvingʼuSetano pʼalulinkine wuyo mutupu. Pʼishinamwene shakwe shishindame lelo?

Matayi 12:26 ပူးပေါင်းရင်းမြစ်များ

Matayi 13:19

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

Matayi 4:10

UYeesu woope ahamwamula ahati, “Yeepa ipa, we Seetano! Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili, umuvhombelaje wuuyo weeka vhweleele.’”

Matayi 9:34

Ileelo aVhafalisaayi vhahati, “Akushimbizya impepo inkandamanu ku maha aga mupiti uwa mpepo inkandamanu!”

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 16:11

Alivhalolesyaga kuuti uMulungu alivhalonga, mwe pe amulonzile uSeetano we mupiti wa vhatalamalandu mu nsi.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 16:10

Pe uhavhizya uwa vhusaano ahiitila vwe vwáli mu luvhiga lwakwe pa shinamwene ishipiti isha shihanu shiila. Ishiisi shihagwa ku vhumwene vhwakwe, avhantu vhahalumanya imili zyavho kuzya vhuvhaavi vhwavho.

Ishitushizya 9:11

Vháamile nu mwene, we wu havhizya uwa kwi ilivha ilya ku vhuzimu, izina lyakwe ku Shihebuuli wu Abadooni na ku Shiyunaani wu Apoliyooni, kwe kuuti We Akulovwa.