Matayi 12:18 - ULufingwi uLupwa

¹⁸ “Yeenya, uno muvhomvi waane we musavhuuye, uNkundwa waane we umwoyo waane wukuhondezelwa nawo. Ndiimupa uMupepo waane, woope alikumusya uvhwanalyoli ku vhe te Vhayuuda.

Tesitamenti Umupwa 1965

¹⁸ Yenya, we munyamata wanʼuno, wʼimusavuye, unkundwa kulʼine, we numwoyo wane akuseshela muli wuyo; uMupepo wane nkumuviha papakwe, alikumusyʼizya vugolosu kuvakunzi.

Matayi 12:18 ပူးပေါင်းရင်းမြစ်များ

Matayi 12:17

UYeesu ávhomvile vhwevhulo, inga zilunjishe zye umukuvhwi uYisaayi áyanzile kuuti,

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Maliko 1:11

Izwi ilya Mulungu lihivwiha kufuma ku mwanya, lihati, “Iwe we Mwana waane unkundwa, nahondezelwa niiwe.”

Maliko 9:7

Pe lihaloleha ivhingo, lihavhagubishila, izwi lihivwiha kufuma mwi ivhingo ilyo kuuti, “Uno Mwana waane unkundwa. Mumutejelezyaje uweene!”

uLuuka 23:35

Avhantu vhahimiilila paala kwenya. Avhapiti avha Vhayuuda, vhahanda kumujevhula uYeesu, vhahati, “Aavhaposile avhanji, ishi, inga uweene wu Chilisiti we uMulungu amusavhuuye, ayiposhe wuuyo!”

uLuuka 3:22

UMupepo uMufinjile ahamwishila ku shiholanyo isha nkunda pamwanya yaakwe. Izwi ilya Mulungu lihivwiha kufuma ku mwanya, lihati, “Iwe we Mwana waane unkundwa, nahondezelwa niiwe.”

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

uLuuka 9:35

Izwi lihivwiha kufuma mwi ivhingo ilyo, lihati, “Uno Mwana waane we imusavhuuye, mumutejelezyaje uweene!”

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

VaEfeso 1:6

inga swenti tumutiime uMulungu ku vhwila vhwakwe uvhwa kusukumizya. Uvhwila uvhwo átufwiliiye kutuushila kwa Mwana waakwe unkundwa.

Kolosi 1:1

Ukalaata uno nsimvile neene ne Paavhuli, ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Ine pooka nu wamwitu uTiimoti,

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

1 Peteli 2:4

UYeesu we livhwe ilanzi ilya kuzenjela. Ivhwe ilyo avhantu vhálihaanile, ileelo uMulungu álisavhuuye, havhili lya nsavho pilongolela lyakwe. Ishi mupalamilaje kwa Yeesu.

2 Peteli 1:17

Nkuyanga vhwevhulo, mwe pe iswe twáli pooka nu Chilisiti pi igamba ilya Mulungu lwe uMulungu uTaata wiitu akuumupa umushinzi nu vhushindamu. Pe tuhiivwa izwi likuti, “Uno Mwana waane unkundwa, we nkuhondezelwa nawo.”