Matayi 12:15 - ULufingwi uLupwa

¹⁵ Lwe uYeesu aamanya kuuti aVhafalisaayi vhakupanzanya izya kumugoga, aheepa paala. Pe avhantu ivhungaana ipiti vhahamulandata, woope ahavhaponia vhonti vhe vháamile na mavhinu.

Tesitamenti Umupwa 1965

¹⁵ UwenʼuYesu lelo lwʼawenyi zinizi, pʼahepa pʼali. Vahamulandatʼavantʼavinji. Uwenʼahavazuzuvushizya vonti.

Matayi 12:15 ပူးပေါင်းရင်းမြစ်များ

Matayi 10:23

Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Matayi 19:2

Avhantu ivhungaana ipiti vhahamulandata ukwo, woope ahavhaponia vhe vháali vhavhinu.

Maliko 6:56

Kwonti kwe ahasogolaga mu nkaaya, mu ntala na mu magunda vhahavhavhiihaga avhavhinu mu nsokooni. Vhahamulambiilizya uYeesu kuuti avhavhinu vhaleme poosye lye likoopi ilya mwenda waakwe vhweleele. Pe avhavhinu vhonti vhe vhálemile, vhahapona.

uLuuka 5:22

Ileelo uYeesu ahamanya insiivho zyavho, pe ahavhapilila ahati, “Shooni she mukusiivha izyo mu mooyo giinyu?

uLuuka 6:12

Lwe zyatuuha izyo, isiku limo uYeesu ahasogola pi igamba kumulaavha uMulungu, ukwo ahalaavha vhusiku vhwonti.

uLuuka 9:11

Ileelo lwe ivhungaana ilya vhantu lyamanya kwe ásogooye, lihamulandata. UYeesu ahavhaposheela ahinza, ahavhasambilizyaga izwi ilya vhumwene uvhwa Mulungu. Havhili vhe vháamile vhavhinu, ahavhaponiaga.

Yohani 11:54

Kuli izyo, uYeesu ahaleha kujenda apazelu mu shigavho isha nsi isha Yudeeya, pe aheepa nu kusogola papiipi nu luugwa, mu nkaaya iya Eefulayimu. Ahatendama ukwo pooka na vhasundikwa vhaakwe.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

Yohani 9:4

Tukwanzilwa kuvhomba imbombo iya Mulungu we ansonteleziizye she musanya. Uvhusiku vhukwinza vhwe umuntu nuumo atangavhomba imbombo izi.

VaGalati 6:9

Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

1 Peteli 2:21

UMulungu ávhiisite inga mujimbiilile vhwevhulo, mwe pe uChilisiti woope ájimbiliiye kuyimvilwa ku zyinyu. Uweene we shiholanyo, inga tulandate idala lye átuusile.